((((( أنا أنتظرتك , وأنت مريت صدفه )))))

[نسر البوادي]

الشـوق ماله عمر , يفنى وينعـاد
له في الضلوع أن عاد وأن غاب رجفه

مع كل فرقا , له ورى الجفن ميلاد
وأن ماتت الفرقا لقى الشوق حتفه

جيت أقتل الفرقا من بلاد لــ بلاد
ملّ الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

تظمأ عيوني شوفك , وتشبع سهاد
عيّا الزمن يقطع ظماها بــ رشفه

لاوجهك أسقاها , ولا ذاقت رقاد
ماغير طيفك , طيفك اللي أعرفه

كنّه ظبي , وعيوني ظلال صيـاد
يجفل قبل يرتد للجفن طرفه

مشكلته أنه كل ما أشتقت يزداد
حتى ملا جدران وقتي وسقفه

وأصبحت أشوفه فــ أول الغيم لاجاد
وفـ أقصى الشفق لاطاحت الشمس خلفه

وفـي الأرض لانامت عقب صوت رعاد
وفي كل شباك ٍ صحت منه درفه

أتعبت طيفك لوم , واللوم مافاد
ويوم الأمل في شوفتك مات نصفه

نويت أسافر عنك بجروح ٍ جداد
وعمر ٍ من أوراق الزمن حان قطفه

نويت , لكن جابني الشوق منقاد

وجابك حنينك , والزمن سأل عطفه

شفتك تبــسّـم لي خجل مدري عناد
وفي نظرتك شوق ٍ من الظلم وصفه

حسيت كني طفل , وعيونك أعياد
ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

[نوارة الكون]

وأنا بعد مليت من كثر ما أرتاد

هالشارع اللي كان لك فيه شرفه

تظمأ عيوني شوفك , وتشبع سهاد

عيّا الزمن يقطع ظماها بــ رشفه

لاوجهك أسقاها , ولا ذاقت رقاد

ماغير طيفك , طيفك اللي أعرفه

الله الله ابداع وتميز اخي الفاضل

[نسر البوادي]

تسلمين اختي نواره مرورك العطر اسعدني ياذوووق
يعطيك الف عافيه مرور لاعدم

[أميرة الروح]

نص جميل جدا
راق لي
يعطيك العافية عالانتقاء
أبدعت
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره الروح مرورك الرائع اسعدني ياذوووق
شاكرا لك تزيينك الصفحه بالنجوم الخمس
مرور لا ننحرم منه

[اطياف السراب]

إنتقآء رائع جدا ابدعت

شكرا جزيلا لك على جهودك

[كاتمة الإحساس]

بوركت الانتقاء لهذا النص الجميل
بارك الله فيك

[حبي خالص]

انتقاء رااااائع يا نسر
يعطيك الله العافيه ودمت برقي ذائقتك

[نسر البوادي]

يعطيك الف عافيه اطياف السراب مرورك اسعدني كلك ذوووق

[نسر البوادي]

يعطيك الف عافيه اختي كاتمه الاسرار مرورك اسعدني كلك ذوووق