^-^ شعورٌ يلامس نبضي °~° ®

[Raba]

قد لا نتفق في كل يوم لكننا اتفقنا على أن لا نفترق
امس تعبت حيل دراما صارت في البيت ع طول رسلت
ع شوشو خبرتها ان وضعي كلش سيء لان مخططين
نلتقي وخبرتها شو صار معي قالت بجيك الحين قلت لها
لا يدخل أخذ دش يمكن اصير احسن تعالي ع المغرب
جات ع المغرب اتصلت علي ام الزهراء تبي تجيب
الزهراء عندي قلت لها طيب بعد صلاة العشاء طبعا الزهراء
تخاف شوشو وكانت شوشو الي فاتحه الباب ما رضت تدخل
تقول حج أمها ما هنا ضي ضحكت طلعت قلت حج شوشو
قومي من وجه البنت ترعبين بنتي المهم وقفت عند الباب قلت لها
تعالي زهورة ما اقدر اطلع اكثر إجت طبعا شوشو مصدومة
زهورة تسمع كلامي ما شاء الله وتضحك معي لما تكلمها شوشو تسفهها
ههههه خذت وقت لحد ما تتعود عليها طبعا أمها عندها شيء تريد تخلصه
وهي معفسه الدنيا كانت عشان كذا جابوها عندي المهم طلعنا شوشو وريز
وانا وزهراء وطبعا زهراء بغت شوشو عشان قالت لها بنروح السيارة
فرحت بنتنا رحنا وكنا خايفين تمسكنا الشرطة لأن ما عندنا مقعد أطفال
فسويت مخفي ورى وشغلت أغاني مال أطفال وعجبها الموضوع زهراء
ورحنا نأكل هي الحمدلله معي أمورها طيبة بس تخاف من الناس إذا ما
شليتها وكنت جنبها وحتى ريز تخاف منه وضعها شوي يحتاج تتعود فهي
ع طول معي في كل شيء الحمد لله تعودت عليهم ورمت الاشواك خلف
كراسي المطعم ههههه ما قدرت اجيبهم لأن كان في جلسه وهي رمتهم وراها
قلت يغيب رجعنا البيت لعبت معها ع أساس تنام ما شيء منه طبعا وآخر
شيء إجت أمها وهي صاحية تلعب ... وبس اليوم سافروا رايحين جولة
في أنحاء أستراليا الله يوصلهم بالسلامة

[Raba]

القليل من التجاهل يعيد كل شخص إلى حجمه الطبيعي

[Raba]

اووي نفرات
ايوا انتي


مال اي بلد مال استراليا انتي 🤣🤣؟؟
ليش احس انه يا ملبورن أو سدني🙄؟

هلا دف دف
انا مال ملبورن يا عزيزتي ... تو انتبهتي ما شاء الله
وانا نص مدونتي عن ملبورن سامحك الله ..

[Raba]

أليس العشق إمرأة تجلت في وسط الوجدان
أليس العشق مصلحة يجمع شمل الاثنان
أليس العشق ذكرى طاغية تمثل الافتتان
أليس العشق ممنوع بتهمه الظلم يا حرام

[Raba]

تاريخ 14/4/2018- كانت فعالية OSSV Talk شاركت فيها بموضوع كيفية الوصول إلى السلام الداخلي يفترض إني اشرحه في 10 دقائق فالوقت كان ضيق ولكن الحمدلله وصلت المعلومة الي ابي وأخذت كأس الإلقاء وشهادة ... ونطمح للمزيد ان شاء الله

[Raba]

° ‏‏مزاجك أغلى ما تملك، فاجعله مرتفعًا، لتقرأ، لتكتب، لتعمل، لتتفاعل بإيجابية. لهذا لا تعطي أي مخلوق فرصة لتعكيره !! فالحكمة تقول "ان الذي يغضبك يتحكم بك" لذلك لا تعطي أي شخص هذه الفرصة ولا تجعل للآخرين مجال ليتحكموا بك

[Raba]

طلعت نتيجة الاختبار تخيلوا ان اختبرت قبل أمس وأنس طلعت النتيجة واليوم انا شفتها
الحمدلله على كل حال ... المهم الدرجة لا بأس بها عاجبتني الحمدلله احس يعني استاهلها ما من زود
المذاكرة عشان اقول اريد فل مارك ههههه .. المهم احس واجد ضغط عندنا الله يسهل بس
باقي شهر واسبوعين ع الفاينل الله ييسر كل عسر ....

تذكروا يوم الفعالية كانت ام زهراء تتصل علي عشان اشوفها وما صار واليوم الثاني كنت أريد
اذاكر وما صار لان عندي اسايمنت واليوم الي بعده اختبار المهم زهراء زعلانه تبي تجي عندي
وعشان انا ما فاضية ما شفتها تقول أمها تحلمك زهراء قلت لها ما جبتيها ع الاقل اشوفها المهم
قبل أمس عاد بعد الاختبار طلعنا و فلينا أمها واليوم الزهراء تقول لأمها ابي ضي قالت لها ما في
بس نتكلم معها وقلت لها بس أكون فاضية بطلع معك استانست ربي يحفظها ما شاء الله

سبحان الله كل الأطفال قريبة منهم الا أخواني هههههه .. صح يشتاقوا لي بس ترا في البيت
يضاربوني واتغاير معهم

[Raba]

الي رسلي ع الصراحة الحمدلله طيبة كيفكم ؟
ترا انا ما توقع احد يرسل لي ع الصراحة عشان كذا ما اشوف إلا إذا فضيت فالسموحة ع الرد المتأخر ...
المهم كيف الدراسة خلصتوا أو لا كيف الحياة معكم ان شاء الله وناسة

[Raba]

إنني استغرب من أولئك الذين يخطئون بحقك وتسامحهم لوجه الله
فيتجاهلوك لجهلهم وتبتسم ،، ويمارسون حياتهم في انتقادك وتبتسم مرة أخرى
ويحاولون اذيتك فتبتسم ليموتوا قهرا وندم ... وتعيش انت حرا طليقا بعيدا عن الكل
نهاية سعيدة لك وبداية قاسية لهم ...

ع العموم ترا ما بموت لو تجاهلتوني او ما شاركتوا في مواضيعي ترا ما أحيا عشان اشوف من علق ومن لا ... انقعوا ماي واشربوه ما راح اهتم

[Raba]

الله يوفقكم نفرات الي رسلوا لي وعقبال الوظيفة ان شاء الله
وعقبال انا اخلص كراف واكمل ماستر في بلاد أخرى