(((( تعال ارسم بقايا الحلم وكمل باقـي الصـوره ))))

[نسر البوادي]

تعال ارسم بقايا الحلم وكمل باقـي الصـوره

وعلقها على قلـب يشوفـك حلـم يهنـى بـه

وعلي اترك سواد الوقت والويلات وكسـوره

وتعال بشوفي واتغطى عن أية ريـح بأهدابـه

لشيلك عن ظلام خذ شعاعي واهتنـي بنـوره

واذا بك جرح حي الله راعي الجرح ومن جابه

همومك هاتها فينـي احبـك يعنـي مقـدوره

احبك تنمحي همومك ولا لك هـم تشقـى بـه

انا لك من هنا حتى مغيـب العمـر وزهـوره

الى مشرق مشيب العمر ليـن يغيـب بترابـه

نويت اخذك واعطيك الخفوق وباقي شعـوره

حلالك دمر وعمّر حبيبـي انـت اولـى بـه

تظلل بالحنان ولك غيـوم الشـوق ممطـوره

ولا تفكر بأي لحظـه يمسـك قلبـي بعتابـه

واذا عاتب انا احشه حبيبي لك مـن جـذوره

واحبك فيك من قلبك هو اطهر قلب اسمى بـه

حبيبي بس تعال ارسم وكمل باقـي الصـوره

وعلي الباقي لاتحاتي جروح الوقـت وانيابـه

[أميرة الروح]

نص وأختيار جدا جميل
أبدعت
راق لي أنتقائك
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره مرورك العطر اسعدني ياذووق
شاكرا لك تزيينك الطرح بالنجوم الخمس

[اطياف السراب]

نص رائع جدا ابدعت الاختيار

شكرا جزيلا لك على جهودك

[نـــــــقــــــــاء]

جميل جدا
يعطيك العافية أخي نسر ع الإنتقاء

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تسلمين اختي نواره مرورك العطر اسعدني ياذووق

[جميلة الملامح]

اهم شي اسم بقايا في القصيدة
شكرا لاختيارك وذائقتك الراقية
اخي نسر
راقت لي
تقبل مروري

[نسر البوادي]

اهم شي اسم بقايا في القصيدة
شكرا لاختيارك وذائقتك الراقية
اخي نسر
راقت لي
تقبل مروري

اهم شي تكوني شمعه لن تنطفي بالمنتدى اختي بقاياروح
تسلمين مرورك الرائع اسعدني وكلك ذوووق