رد مع اقتباس
المشهد14:
نعيمه في حيرة من امرها بنتها الصغيره فيها اسهال وحرارتها مرتفعه، تريد توصلها الطبيب، ما تعرف تسوق ولا حد في البيت يساعدها.
تتصل بزوجها سالم وتقول: هلا سالم،، اقولك بنك تعبانه وواجد بطنها يمشي وفيها حراره واجد.
سالم: لا حول ولا قوة الا بالله العلي العظيم، مضبطه يعني، تو واصل مطار صلاله عاد جايه بمصايبك.
نعيمه: ود الحلال موه اسوي ومع من اروح، مخلي 20 ريال حال كل شي وتعرف ما اعرف اسوق ولا جنبي حد من اهلي.
سالم: تصرفي اتصلي حال امك خبريها يمكن تدبرك،
نعيمه: ما معي رصيد اخر مية بيسه كلمتك انته فيها.
سالم: نعم انك طبل ما حرمه، لو متصله حال امك ما احسن جايه تزعجيني انا، زين برسلك واتصلي حال امك تشوف حد يوصلكم. ولا تتصلي علي مره ثانيه لو حتى حد مات. انا رجال وراي عمل.
نعيمه بصوت حزين خائب: ان شاء الله
