.
.
مساء الخير
كيف الحال ..
امس يوم الاخبار السيئة ..زميلتنا بالعمل أجهضت حملها بالشهر الخامس
وعلى الرغم من الخبر السيىء بس نقول تبقى خيرة لانها كانت زميلتنا تتعب وينزل ضغطها
ويغمى عليها كثير..وبالليل عرفنا ان زميلة ثانية من زميلاتنا بالعمل توفت اختها (رحمة الله عليها)
بنت شابة وصارلها مدة في العناية
ربي يرحمها ويحسن اليها ويتقبلها القبول الحسن
ويلهم أهلها واطفالها الصبر والغفران إن شاء الله
عاد الصباح قمت وانا مالي مزاج للدوام راسي منتفخ هالكبر
داومت متأخرة وزين لحقت على الباص
وعقب اكتشفت اني شالة الشنطة الغلط
الشنطة الي فيها المحفظة والأوراق الثبوتية والشاحن (اهم شي ) في البيت
والشنطة الي جايبتنها فيها كروت مستشفى واستيكرات واوراق مواعيد
مخصصة للمستشفى بس
وعشان النحس يكمل خلص الشحن وكل الشواحن الي مال هواوي ما ركبن على تيلفوني
الشاحن ماله غير شكل
وتو جالسة كذي
والغم كنت نعسانه وخبصت في كم (كوتيشن) وسلمتها للمورد
يعني اكثر من طلب اسعار لعدة جهات سلمتهن لجهة وحدة
وعقبها غفيت وانا جالسة على الكرسي لمدة 5 دقائق
وفجأة نقزت ورحت اخذلي فنجان قهوة واستوعبت الي سويته
ورحت انازع المدير ..يعني ليش ما تشيك وراي..اي حاجة أعطيك ياها تمشيها بدون مراجعة
مسكين فاك ثمه مب عارف السالفة ومن فهم السالفة راح يتصل بالمورد عشان يرجع
ورجعت اسوي الموضوع من جد وجديد
.
.
رد مع اقتباس