ما أبغي الهدايا عندي أغلى هديه
حبك وتقديرك وخوفك عليا
وكل الهدايا في عيوني صغيرة
منك ياروح الروح أكبر هديه
الناس تهدي كل منهو تحبه
لجل القلوب تزيد عشق ومحبه
ومادمت انت الغالي اللي أحبه
كل الهدايا قرب حبك شوية
تاريخ ميلادي بدا يوم شفتك
والعمر ياعمري ابتدا من عرفتك
والله لو فيوم عمري وهبتك
ماظنني بوفيك فضلك عليه
شوفتك عندي تسوى كل الهدايا
لانك غلا قلبي وغاية منايا
يكفيني انك ياحبيبي معايا
يا أروع هديه ساقها الله ليه
