♢♢♢مراااسي اﻷمل♢♢♢

[تباشيرالأمل]

مساءالخير
وصلتنتي قصة بالواتس رائعه جدا
فاحببت ان تشاركوني فيها

من الدايركت ☺
هذا الله يسلمكن عندي أخو على وجه زواج يشتغل بوزاره الدفاع بمركز مرموق ووسيم اسم الله عليه مو عشانه اخوي لكن ماشاء الله طول ورزه وهيبه وعندي بنات خالات وخوال وعمام مرتزات عندنا ليل نهار والي تسوي حلا وترسله والي ذبحتها صلة الرحم بالاسبوع تطق بابنا مرتين وفاهمين على بعض وماخذين انا وهن الموضوع ضحك ووناسه المهم ياطويلات العمر مره دخل اخوي علينا اول ماجاء من دوامه وقبل حتى يغير ملابسه قعد يزن على رأس امي ورآسي أبي تخطبون بنت الجيران الي قبالنا وماني مآخذ غيرها لو اقعد عزابي طول العمر واحنا والله مانعرف البنت زين ولا اهلها ناس بحالهم وهي شفتها يمكن مرتين حليوه ماعليها بس مابها هالزين الي يخلي الرجال كذا ينهبل ويوم قال يمه هذي وراها خير كثير وبتفتح لي باب مايسد .. انا وامي لحظتها شوشنا 😂 .. خير ! وباب ! اكيد بتورث ورثه او جيراننا مليارديريه واحنا ماعندنا خبر 😅 وعاد رحت مع امي وخطبناها وقعدوا شهر الين ماردوا بالموافقه وانا وخواتي نعزي انفسنا نقول عادي لو تأخروا اهم شي بيجي وراها الدراهم والقريشات 💵💶 واخوي لما دقينا عليه بالدوام وعلمناه وحاطين التلفون على السبيكر جلس يكبر ويتحمد الله 😂😂😂 صار الزواج بعدها بكم شهر واستغربنا وقتها مااطلبوا مهر كبير بس 50 الف وحتى من ضمنها الذهب وعلى كلام اخوي هذا طلب العروس الشاهد ياطويلات العمر سافروا وخلصت اجازه اخوي بسرعه ورجعوا ماطولوا وسكنوا فوقنا وبيتنا تصميمه المدخل واحد ولما جاء بيروح اخوي لدوامه الصبح ويمر علينا ويقول فلانه اذا تبي باب الشارع لااحد يتدخل خلوها تسوي الي تبي 😨😱 لكم ان تتخيلوا اشكالنا وقتها وش تبي بالشارع وهي عروس جديده ! يعني ممكن تبي اهلها !! كل هالكلام تم تداوله على طاوله الفطور وتجي أختنا بالله وتجلس معنا ووقتها بررررد ومطر ومسوين حليب زنجبيل صبت لحالها بكاسه واشربت وشوي تجيب كوب بلاستك وتعبيه وتطلع بالحوش وقتها كانت الساعه 6 وعشر استغربنا منها وش مطلعها بس استحت اي وحده تطلع وراها تشوفها وع الغداء جاء اخوي وانا اسحبه على جنب واقول له انصح زوجتك (ويعلم الله ان ذي نيتي) لاتطلع الصبح بالبرد مو زين لها ومرات مطر اخاف تتعب قال لي كلام صدمني كل مااتذكره ، قال : يالخبله هالي تشوفينها اصحى مني ومنك

قال : يالخبله هالي تشوفينها اصحى مني ومنك اصلا طلعاتها ذي هي الي خلتني اخطبها 😨 تدرين انها كل صبح لما اروح لدوامي انتظر السياره تدفى شوي اشوف باب بيتهم ينفتح ولا هالسواده وتطلع بنت وهي بكامل حشمتها وتصب للعامل الي يكنس الشارع شي حار يشربه ومرات تعطيه اكل ومرات لبس وقفازات وجاكيت ماتفوت موعده ابد ومن تسكر بابها اشوف العامل يرفع ايديه ويدعي لها مع اني كنت قبل اشوفه يوميا ماعمري مديت له ريال ومع الوقت صار العمال حول خمسه يتجمعون عند باب بيتهم تطلع تحط ترمس برا واكواب وحافظات اكل ، حبيتها من كل قلبي 😍قلت هذي الي وجودها بركه بأي بيت وانتي شوفي خلال شهر بس تيسرت امور من دخلت بيتنا اسمي طلع بالصندوق العقاري وترقيت ونقلوا مديري الي كان مسبب لي ازمه وكلامه صحيح احنا قبل نتقضى للثلاجه والبيت 2000 ريال ماتكفي واللحين يمر شهر ونص كأننا تونا متقضين ومن مشى وخلاني وانا طيران أكتب هالسالفه بقروب العائله ولا ظل بيت اعرفه من قرايبي ماسووا مثلها وكل هذا بميزان حسناتها بإذن الله واللحين لنا اربع سنوات كل مايجي شتاء نطلع طاوله عندنا بالمخزن حديد ونحطها بالشارع ونجهز برادات شاي وقهوه وحليب وحنيني ونطلعهم برا على هالطاوله .. نصيحه لوجه الله طبقوا الي قلت لكم لاتبخلون على انفسكم وتمنعوا الخير واجلبوا الرزق وادفعوا البلاء

[تباشيرالأمل]

[تباشيرالأمل]

يدخل آلجنة أقوآم : أفئدتهم مثل أفئدة آلطير
أي أن قلوبهم :رحيمة؛لينة؛طيبة
ﻵتعرف حقدآولاغلاًولانفاقآ
يعملون بامرآلله ويخآفونه
اللهم اجعلنا منهم
صباح الطهر والنقاء

[تباشيرالأمل]

مشتاق لك شوق اليتيم اللي تغطى ولا نام ..!!

هالبيت خلا دمعتي أطيح ..
الله يفرج على كل مهموم

[تباشيرالأمل]

الحيَاة أجمل في وُجود مَن يهتم بِكَ وتهتم به ؛
فَاللهم لا تحَرمنا القُلوب الصَادقة النقيه
صباحكم قلوب نقيه

[تباشيرالأمل]

.ﺍﻟﻠﻬﻢ في هذا الصباح ... ﺍجعل لنا ﻧﺼﻴﺒﺎ ﻓﻲ ﻛﻞ ﺧﻴﺮ ﺗﻘﺴﻤﻪ ﻭﻓﻲ ﻛﻞ ﻧﻮﺭ ﺗﻨﺸﺮﻩ ﻭﻓﻲ ﻛﻞ ﺭﺯﻕ ﺗﺒﺴﻄﻪ ﻭﻓﻲ ﻛﻞ ﺿﺮ ﺗﻜﺸﻔﻪ ﻭﻓﻲ ﻛﻞ ﺑﻼﺀ ﺗﺮﻓﻌﻪ ... صباح الورد

[تباشيرالأمل]

الليلة رغم انني مرهقه الا ان ذكريااتي
ابت ان تستكين..
فكأني ارئ امي غفرالله لها .
ونحن جميعاا حول الوجار
تصب لنا حليب الزنجبيل والبخار يفوح منه
وتعطينا واحدا بعد الأخر
...وأبوي يدخل علينا بخبز التميس
فنأخذه ونتقاسمه سوالفهم مع الصبح
ضحكاتهم العذبه رغم بساطت عيشنا الا ان لكل
شيء كان لذه وطعم مميز
كانت أمي غفرالله لها عذبة الحديث
سوالفها لاتمل وقصصهاجميلة
والأجمل هو تلك الأبيات التي.كانت تقولها لنا
فهي تقرض الشعر وتحفظه .كانت غفرالله لها
أمرئه قوية العزيمة كريمة لاتمل من كثرة الضيوف
ومع قوتها كانت رحيمة رقيقة القلب.قريبة الدمعه
لا انسى دموعه عندما ذكرت لها قصة احدى جارتي
فأذى عينها تذرفان الدمع
أحب امي كثيرا
ولاامل من الحديث عنها
كلمة لاانسها قالتها ..عندما راتنا نقراء
قالت يالتني اعرف أقراء القران ثم بكت..
يالله ما انقى قلوبهم ومأرقها
ارئ الحياة بدأت تخلوى من كبارالسن
الذين هم مدرسة باخلاقهم ونقاىهم
وطيب قلوبها
لا اعلم كيف سيكون جيل اليوم عندما يكونوا كبارسن
ماهي القصص التي يحكونها لصغارهم واحفادهم
وكيف يكون حالهم ...


أمي رحلتي لجوار رب كريم
وبقيت كلماتك وهمساتك وكل مواقفك
ذكرى نقشت بقلبي
ربي يغفرلك ويجمعني بك في جنته

[تباشيرالأمل]

عيت دموعي بعد فرقى امي تجف=لبيه يا دمعٍ على امي نثرته
ولبيه يا سورٍ على قبرها لف=واسين يا وجه امي اللى دفنته
اسين يا وجه امي الطاهر العف=واسين يا اغلا من فقدت وخسرته
من بعدها كن البشر كلهم حلف=وانا لحالي في طريقٍ نهجته
ما غير انا والهم والهاجس الصلف=وليل الهموم اللي لحالي سهرته
يالله وانا طالبك للميت اللطف=ويالله الي به ذنب لامي غفرته
جعل السحاب اللي سرى بأوله شعف=يسقي القبر واللي بوسطه قبرته
والله يعين اللي برى حاله الولف=والا الزمن لو يعتذر ما عذرته

[تباشيرالأمل]

كل ماكبرالأنسان
زادت حاجته لأمه..
لحنانها لحبها
لعطفها
لأحد يعوض فقد الأم
هاقد مضى على
وفاتها 14 عاما ومازال
ألم فراقها بقلبي..
يارب نورقبرها وأنس وحشتها
ويامن كتابعا ويسرحسابها
واجعل الجنة داررها .أمين
و

[تباشيرالأمل]

افتَح ضلُوعك واجمَع الخِير والحُب
اليُوم جمعَه والله الله في الأسباب !
سامِح .. تَرَى من سَآمح وقَآل: ياارَب
يفتَح له الله فِي سمَا رَحمتَه [ بَاب]

الله كريم