((((( واطيري اللي وافقته المقادير )))))

[نسر البوادي]

واطيري اللي وافقته المقادير	اقفى وخلا له بقلبي وقايد
عند المقدر ما تفيد المحاذير	والطير ضيعاته علينا عوايد
في ضيعته ما شلت هم المخاسير	لا شك ذا فقده على القلب كايد
هالطير غير وباقي طيورهم غير	فعله على كل القرانيس زايد
اخطيت يومه تل في هده السير	واقفى وانا ماني متحريه عايد
قام ايترقا والحباري مدابير	لينه قطع روف البلاد المحايد
الطير كخرم والحباري معاشير	ولاهو مطرح قبل يدمي الصوايد
يومين في حروة مضيعة مداوير	غير التعب والبرد ما من فوايد
ما غير دس وبرقع بيدة القير	لا شفتهن شفت العناء والنكايد
يلايمي في ضيعة الطير قيل خير	كانك تلذذ في رقاد الوسايد
انا ثلاث ايام هم وتحاسير	وان زل هم جت هموم جدايد
كان انت تشكي من فراق الغنادير	انا فراقه شب فيني وقايد
تبي شعوري صدق في ضيعة الطير	يشبه شعور الشعب في فقدزايد

.

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن

[نسر البوادي]

تسلمين اختي نواره مرورك العطر اسعدني ياذوووق

[جميلة الملامح]

اخي نسر
الله يعطيك العافية
اختيار موفق ورائع
شكرا لذائقتك الراقية

[اطياف السراب]

نص رائع جدا

شكرا جزيلا لك على جهودك

[آسية]

إختيار موفق وانتقاء رائع جدا
الله يعطيك العافية..

[نسر البوادي]

بقاياروح تسلمين اختي مرورك العطر اسعدني كلك ذوووق

[نسر البوادي]

يعطيك الف عافيه اخي اطياف السراب مرورك العطر اسعدني كلك ذوووق

[نسر البوادي]

الليدي بسمه تسلمين اختي مرورك العطر اسعدني كلك ذوووق

[أميرة الروح]

نص رائع جدا
يعطيك العافية عالانتقاء
بارك الله فيك
(يستحق ان يتوج بالنجوم)