(((( انثر على خدي من الدمع وانوح ))))

[نسر البوادي]

انثر على خدي من الدمع وانوح
لين المدامع جف ماهن وباحن

ومشاعري من شان لاصير مفضوح
اكذب على نفسي واقول استراحن

اهدي اعصابي وانا افور وافوح
لوفوقي الدله والابريق فاحن

لني فقدت الروح مع توأم الروح
اغلى ثلاث(ن) في حياتي وراحن

راحن وباب القلب للحزن مفتوح
والنوم عن عيني دروبه تناحن

ورثت من مرواحهن عشرة جروح
اسكت وهن سكوت ون صحت صاحن

والى لزمت الصمت ماودي ابوح
تجردن من صمتهن واستباحن

يال النصيب اللي كتب لي على اللوح
علقتهن بين المحاجر وطاحن

طاحن ويوم الظل ميل على الدوح
كن الحمايم في ضلوعي تلاحن

ياكسرة الخاطر وياقصرة الشوح
ضحيتين الحرب والحرب طاحن

قفن عن عيوني بروق(ن)لهن ضوح
واتلا العهد في شوفهن عقب لاحن

زينة حياة, ونصف دين, وغذا روح
اغلى ثلاث(ن) في حياتي وراحن

[اطياف السراب]

نص رائع جدا

شكرا جزيلا لك على جهودك

[نسر البوادي]

تسلم استاذي اطياف السراب مرورك الرائع اسعدني ياذوووق

[أميرة الروح]

نص واختيار جميل جدا
راق لي
يعطيك العافية عالانتقاء
بارك الله فيك
دمت مبدع دائما
(يستحق ان يتوج بالنجوم)

[نسر البوادي]

نص واختيار جميل جدا
راق لي
يعطيك العافية عالانتقاء
بارك الله فيك
دمت مبدع دائما
(يستحق ان يتوج بالنجوم)

تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس
مرور لا عدمنااه

[نوارة الكون]

سلمت يمناك اخي

انتقاء جميل وتواجد اجمل
دمت في حفظ الرحمن



لني فقدت الروح مع توأم الروح
اغلى ثلاث(ن) في حياتي وراحن

راحن وباب القلب للحزن مفتوح
والنوم عن عيني دروبه تناحن

ورثت من مرواحهن عشرة جروح
اسكت وهن سكوت ون صحت صاحن

[نسر البوادي]

تسلمين اختي نواره مرورك العطر اسعدني ياذوووق

[آسية]

إختيار موفق وانتقاء رائع جدا
الله يعطيك العافية..

[نسر البوادي]

تسلمين اختي الليدي بسمه مرورك العطر اسعدني ياذوووق