[وش فيه سلم الهوى ماله مروّه
وشلون قفيت عني وانت تغليني؟!!
واقول دمعي على الصدات ياقوّه
لامن ذكرتك يطيح الدمع من عيني
ماباقى الا يصيح القلب وينوّه
تعال تكفى نخيتك لا تخليني
القلب ينخاك هاك الميسم وكوّه
يبي عذابك لو ان حبك معنيني
لو ان فرحة سنيني تعرف الخوّه
ماكان راحت معك والعمر يطويني
ارجع دخيلك وسو اللي تبي سوّه
يفداك عمري وما تبغي من سنيني
اكبر دليل الهوى ما يملك مروّه
شف كيف خلا قصيدي فيك يرثيني]
