((((( جف الكـــــــــــــــــــــــــــــلام )))))

[نسر البوادي]

جف الكلام ومدت يدينها فوق
.... أخترت هذي .. وأنت شف لك سحابه

قلت .. ويديني تحتضنها مثل طوق ..
أخترت هذي هذي أكثر رحابه

هذي دفا صوتٍ من البرد مخنوق
هذي سؤالٍ نصف عمري جوابه

هذي هي اللي عرّفتني على الشوق
هذي قدر .. ماكنت حاسب حسابه

قطعة حزن في جيب بالي ومشقوق
ومضة فرح في عيون ناسٍ غلابه

أن سولفت في ثغرها لمعة بروق
وإن سرّحت في عيونها صمت غابه

واليا اضحكت نورٍ من الفجر مسروق
واليا بكت تحزن عليها الكآبه

حبي لها لوأدري ان فيه مخلوق ..
قدّ حبّ مثله .. قلت "ياللغرابه"

هالآدمي من وين له قلب وعروق؟!
والصبر هالمسكين من وين جابه؟

وأنا أتكلّم .. ردّت عيونها فوق
ثم تمتمت من هي هالأكثر رحابه؟؟

قلت ويديني تحتضنها مثل طوق
في ذمتي ماشفت غيرك سحابه

[نوارة الكون]

سلمت يمناك اخوي
دمت في حفظ الرحمن

[نسر البوادي]

تسلمين اختي نواره مرورك العطر اسعدني ياذوووق

[أميرة الروح]

أن سولفت في ثغرها لمعة بروق
وإن سرحت في عيونها صمت غابه

نص واختيار جميل جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[نسر البوادي]

يعطيك الف عافيه اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

[اطياف السراب]

نص رائع جدا

شكرا جزيلا لك على جهودك

[نسر البوادي]

اطياف السراب مرورك العطر اسعدني ياذوووق