(((((( مغيب الشــــــــــــــــــمس ))))

[نسر البوادي]

على حزة مغيب الشمس احس البرد مالينـي واشوف الوقت يبكيها واحس ان الثواني ثقال

وقفت ارسم ملامح طيفها والشـوق يبكينـــــي رحل بي وقتي الطاغي وجيت من الوله منهال

جمعت الجرح فوق الجرح وملتني شرايينـي وصارت تعزف اضلاعي تغني للوجع مـوال

بكيته لين عافتنـي جفونـي وابتـدا فينــــــــي ضياع(ن) حطم اضلوعي وصارت للعنا مدهال

فقدته لين صاحت بي متاهـات(ن) تنادينــــي وصارت فرحتي ثكلى وحزني بالضمايرجـال

فقدتـه سكـر ايامـي ولاظنـه بناسيــــــنـي وانا والله مانساها الين اصير تحـت رمـال

ابيه يحس فقدي لـه مـن الغربـه ينادينـــــــي ترى عمر الرحيل المر ماينسي ولوهوطـال

ابيه يضمني وسط الضـــلوع العـوج يدفينـي يجمعنـي يبعثرنـي يسيرنـي علـى ماقــــــال

يعوض سالف ايامي يرجع ماضـي سنينـــــي يلملم من جراحي ماغدا من موجع الترحـال

وانا باصير له شاطي واضمه ليـن تطوينـــــي دروب الذاكره لاجله واجي مثل المطر لاسـال

امانه ياعيـون الكـون تنسيهـا وتنسينــــــي انا ودي اعيش بها قصيـدة خالـده لاجيـال

صحيح ان الدموع اللي شكت من حرها عيني حزيــــنه مير قلي وش دواهـا دمعـة الرجـال

على حزة مغيب الشمس اظن الشوق يبكينـي ولـــــكن الاكيد الكـون عقبـه ماعـدل مثقـال

[آسية]

إختيار موفق وانتقاء رائع جدا جدا جدا
الله يعطيك العافية على الطرح الراقي..

[نسر البوادي]

الليدي بسمه تسلمين ياذوووق مرورك العطر اسعدني اختي

[ثابت الخطى]

ابيات فى قمة الروعه والجمال
واصل الأبداع والتالق

[اطياف السراب]

نص رائع جدا

شكرا جزيلا لك على جهودك

[نوارة الكون]

سلمت يمناك اخوي
دمت في حفظ الرحمن

[نسر البوادي]

تسلم اخي ثابت مرورك العطر اسعدني ياذوووق

[نسر البوادي]

يعطيك العافيه اخي اطياف السراب مرورك العطر اسعدني ياذوووق

[نسر البوادي]

تسلمين اختي نواره مرورك العطر اسعدني ياذوووق

[أميرة الروح]

نص واختيار جميل
يعطيك العافية عالانتقاء
بارك الله فيك
(يستحق ان يتوج بالنجوم)