((((( مــــــــــــــــــــــاني عارف )))))

[نسر البوادي]

ماني عارف وايش أكتب من أبيـات
من يوم شفتها و أنا مدري ايش فينـي


ماني عارف وايش اقول من كلمـات
شفتها ونسيت النوم والنـوم نسينـي



من لون عيونها ضاعت كل العبارات
من يوم شفتها ما قدرت أبعد عينـي


للحين ماني مستوعب ذيك اللحظات
الظاهر اني فيها انجنيت الله يشفينـي




يوم شفتها تبتسم في وجهي ابتسامات
حسيت الشمس أشرقت على جبينـي


شفايفهـا وردة ! لا والله انها وردات
وخشمها سيف يجرحني و يداوينـي




فديت عيونها وفديت ذيك النظـرات
فديت خدها بروحي وأيامي وسنينـي


صوتها كأنه أنغام وألحان و مقامـات
نادتني و ياويلي عليهـا يوم تنادينـي




صوتها دوا لكل الأوجاع والآهـات
وحضنها الـدافي من دفـاه يدفينـي


شفتهـا ولا شفت مثلها بين البنـات
يازينها ومن زينها ضعت مدري وينـي




أحلف انها ملكة جمال كل الملكـات
وأنا والله اذا حلفت أصدق في يمينـي


ما أقدر أوصفها بالأشعار والأبيـات
لأني من يوم شفتها مدري ايش فينـي

[نوارة الكون]

سلمت يمناك اخوي
دمت في حفظ الرحمن

[نسر البوادي]

تسلمين اختي نواره مرورك العطر اسعدني ياذوووق

[آسية]

إختيار موفق وانتقاء رائع جدا جدا
الله يعطيك العافية على الطرح الراقي..

[اطياف السراب]

نص رائع جدا

شكرا جزيلا لك على جهودك

[نسر البوادي]

الليدي بسمه تسلمين اختي مرورك العطر اسعدني ياذوووق

[نسر البوادي]

يعطيك العافيه اخي اطياف السراب مرورك العطر اسعدني ياذوووق

[أميرة الروح]

نص واختيار جميل
يعطيك العافية عالانتقاء
بارك الله فيك
دمت بهالابداع واكثر
(يستحق ان يتوج بالنجوم)

[نسر البوادي]

تسلمين اختي اميره مرورك العطر اسعدني ياذوووق
شاكرا لك تزيينك الصفحه بالنجوم الخمس