((((( يعني من قل المصايب )))))

[نسر البوادي]

يعني من قل المصايب صاب هذا الصدر ضيـق
ولاّ يعني من.. الحظوظ الزينه.. ورِفع المكانـه ..

ذي حياتي من مضيقٍ ..في مضيقٍ.. في مضيق
ولو بحثت الصبر فيني.. ما اجد للصبـر خانـه ..

عادتي لا ضقت ادوّر (حضن وعيون) الرفيـق
مشكله .. لا صار ضيقي منه واحزاني عشانـه ..

يوم قال: (اسمح لي بارجع) وانت كمّل هالطريق
لازم تقدّر.. وتنسى.. وننتهي .. كـلٍ وشانـه ..

قلت: صبرك (يرحم الله والدينك) ..مـا اطيـق
ماني ناقص فوق جرح اقدارنا.. جرح الخيانة ..

حاجتي لـك حاجـة الايتـام وايديـن الغريـق
طالبك طلبه تراني اعشقك: صـون الامانـة ..

وراح ماكنـه سمعنـي والتفـت لفتـة طليـق
وقال: اخيراً ما بغينا.. ثم غنّـى ليـل دانـه ..

عندها أدركـت فعـلاً ..قيمـة الحـب العتيـق
وقلت: هذي آخرتها.. مـا تجـاوزت امتحانـه ..

ضيق صدر وجرح قلب ودمع عين ونشف ريق
هذا كل اللـي جنـاه (الشاطـــر) بآخـر زمانـه ..

مدري كن الحزن فيني شاف له نِعـم الصديـق
مدري يمكن كنت فعلاً كفـو للحـزن وتكانـه ..

والفرح كالثوب لكـن لبْستـه لـي مـا تليـق
دام لبسـه لأي خاسـر مـا وراه الا الإهانـه ..

آه ياحزني ترفّـق.. صاحبـك جرحـه عميـق
اشهد انك.. يا رفيـق العمـر طيّحـت الميانـه ..

مثلي مثل اللي يراهن كل خلـق الله.. بعشيـق
والبلا.. راهن ويدري خاسرٍ عشقـه ورهانـه ..

ويعني من قل الخساير صاب ذاك الشاب ضيـق
يكفي لا هالوقت وقته... ولا مكانه هو مكانـه..

[نـــــــقــــــــاء]

عندها أدركـت فعـلاً ..قيمـة الحـب العتيـق
وقلت: هذي آخرتها.. مـا تجـاوزت امتحانـه
...
أبدعت في الإختيار أخي نسر البوادي
يعطيك العافية
نص يستحق النجوم الخمس

[نسر البوادي]

يعطيك الف عافيه اختي ذكر الرحيل مرورك العطر اسعدني ياذوووق
شاكرا لك تزيينك الصفحه بالنجوم الخمس

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

يعطيك الف عافيه اطياف السراب مرورك الرائع اسعدني ياذووق

[أميرة الروح]

نص رائع جدا
راق لي
يعطيك العافية عالانتقاء
بارك الله فيك

[نسر البوادي]

تسلمين اختي اميره مرورك العطر اسعدني ياذوووق

[نوارة الكون]

سلمت يمناك اخوي
دمت في حفظ الرحمن

[ثابت الخطى]

اختيار جميل اخى نسر بارك الله فيك

[نسر البوادي]

نواره تسلمين اختي مرورك العطر اسعدني كلك ذوووق