ياغالية بأغسل صدى صدري بحضنـك وأحتويـك
وأتلبّسك وأروي وله صبري من إحساسك حنيـن !
عاث الهجير بروضة أفكاري وأنـا مالـي شريـك
في حبك إلا طفلـةٍ مـن وقـت عيّـت لا تحيـن !
مدّيت يدينـي خذينـي طفـل مـن شوقـه عليـك
كنّه نسى في جوف صدرك لعبةٍ لـه مـن سنيـن !
إيه إحضنينـي بأدخـل لعالـم خيالـك وأنتشيـك
وأحيَا بجوفك وأسكنك شاعر حزن ،، ماهو حزين !
بأصنع من أنفاسي قلم وأكتب على صفحـة يديـك
تعبت أعايش دوري الكومبرس .. أبي دور السجين !
تجين نصنع لي من ضلوعك سجـن منّـك وفيـك
وأُسجن بحكم الحب تأبيدة .. تجيـن أو ماتجيـن.؟!
يامنيتـي وقفـت عيونـي دون شوفـي تحتريـك
لاتقطعين إبها الرجا ماعـاد بـي صبـرٍ متيـن !
إبني بصيرة شوقنـا قصـرٍ مثـل قصـر المليـك
إبنـي وأبستعبـد حواشيّـه وأطـوّع مـن تبيـن !
لاصرت أنا الآمر علام الوقت بأمري مايجيـك.؟!
لاشك صار الناهي اللي لا قصر صبـري يبيـن !
يارب أنا عبدك ولد عبدك وجيـت إلـك أرتجيـك
تخلق من إيديني جناح إليا بـرد صـدري يعيـن :
روحي على التحليق فوق الجامعة لا جـا (بريـك)
لجل أبتسم وآقول هذي عمّـة الشعـر الثميـن !
وأنشد بعالِ الصـوت يامحبوبتـي جيـت أرتويـك
صبحٍ عصافيره توشوش لي : "سِعد عين الخدين" !
وآجيك سلم وحرب مـدري كيـف لكنـي بأجيـك
وأصنع من أشواقي عشان أستدرج كفوفك كميـن !
أبخطفـك دام إبتسامـة هالزمـان ال... تشتهيـك
وأغمّض عيون الشقا وأفتح على الأفـراح عيـن !
وأجمـع شتـات أفكـاري اللـي فرّقتهـا مُقلتيـك
وأدفن عيوني فـي يدينـك وأسألـك وتجاوبيـن :
ياريـح جدّانـي غيابـك كيـف يقـوى يبتديـك !
وأنا قطعت الدرب لك حافي ونبَـت الأرض تيـن !
كيف الحضور إليا أسرني في حضورك ينتهيـك !
وآشوفني وانا أتخثّر طيـن عنـد غيـاب طيـن !
تدرين بإنّي ماسألتـك غيـر مـن شوقـي عليـك
وأدري بأنّ لغيبتـك عـن خافقـي عـذرٍ سميـن !
لكـن لـزوم أعاتبـك وآحسسّـك بإنّـي أبـيـك
تتشعبيـن بداخلـي وأتنفسّـك فـي كـل حـيـن