عيت دموعي بعد فرقى امي تجف=لبيه يا دمعٍ على امي نثرته
ولبيه يا سورٍ على قبرها لف=واسين يا وجه امي اللى دفنته
اسين يا وجه امي الطاهر العف=واسين يا اغلا من فقدت وخسرته
من بعدها كن البشر كلهم حلف=وانا لحالي في طريقٍ نهجته
ما غير انا والهم والهاجس الصلف=وليل الهموم اللي لحالي سهرته
يالله وانا طالبك للميت اللطف=ويالله الي به ذنب لامي غفرته
جعل السحاب اللي سرى بأوله شعف=يسقي القبر واللي بوسطه قبرته
والله يعين اللي برى حاله الولف=والا الزمن لو يعتذر ما عذرته