((((( شـــــــــــــــفتك تبــسّـم )))))

[نسر البوادي]

الشـوق ماله عمر , يفنى وينعـاد
له في الضلوع أن عاد وأن غاب رجفه

مع كل فرقا , له ورى الجفن ميلاد
وأن ماتت الفرقا لقى الشوق حتفه

جيت أقتل الفرقا من بلاد لــ بلاد
ملّ الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

تظمأ عيوني شوفك , وتشبع سهاد
عيّا الزمن يقطع ظماها بــ رشفه

لاوجهك أسقاها , ولا ذاقت رقاد
ماغير طيفك , طيفك اللي أعرفه

كنّه ظبي , وعيوني ظلال صيـاد
يجفل قبل يرتد للجفن طرفه

مشكلته أنه كل ما أشتقت يزداد
حتى ملا جدران وقتي وسقفه

وأصبحت أشوفه فــ أول الغيم لاجاد
وفـ أقصى الشفق لاطاحت الشمس خلفه

وفـي الأرض لانامت عقب صوت رعاد
وفي كل شباك ٍ صحت منه درفه

أتعبت طيفك لوم , واللوم مافاد
ويوم الأمل في شوفتك مات نصفه

نويت أسافر عنك بجروح ٍ جداد
وعمر ٍ من أوراق الزمن حان قطفه

نويت , لكن جابني الشوق منقاد

وجابك حنينك , والزمن سأل عطفه

شفتك تبــسّـم لي خجل مدري عناد
وفي نظرتك شوق ٍ من الظلم وصفه

حسيت كني طفل , وعيونك أعياد
ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

[أميرة الروح]

صح لسانك ولسان قايلها
كلمات رائعة وجميله أهنيك على ذائقتك الرائعه
الله يعطيك العافيه وتسلم يديك على الانتقاء المميز
بارك الله فيك
(تستحق ان تتوج بالنجوم)

[نسر البوادي]

صح لسانك ولسان قايلها
كلمات رائعة وجميله أهنيك على ذائقتك الرائعه
الله يعطيك العافيه وتسلم يديك على الانتقاء المميز
بارك الله فيك
(تستحق ان تتوج بالنجوم)

مرورك الاروع اختي اميره تسلمين
شاكرا لك تزيينك الصفحه بالنجوم الخمس
ويعطيك العافيه ياذوووق

[ثابت الخطى]

مبدع اخى نسر
بارك الله فيك
والا تحرمنا من هكذى ابداع

[اطياف السراب]

إنتقآء رائع جدا ابدعت

شكرا جزيلا لك على جهودك

[جميلة الملامح]

اخي نسر

الله عليك
ذوووقك رهيب في قصايد
شكرا لك
راقت لي

[نوارة الكون]

سلمت يمناك اخوي
دمت في حفظ الرحمن

[نسر البوادي]

تسلم اخي اطياف السراب مرورك الرائع اسعدني ياذوووق

[نسر البوادي]

بقايا روح تسلمين اختي مرورك الرائع اسعدني كلك ذوووق

[نسر البوادي]

يعطيك الف عافيه نواره مرورك العطر اسعدني ياذووق