اخلصت حبي والقلوب اخدعتني

[نوارة الكون]

اخلصت حبي والقلوب اخدعتني




عمري بقايا جرح وآهات وأحـــــزان
عمري سنين بائسة ما أرحمتنـــــــي


عمري ألم غربة مع جور الأزمـــان
عمري سراب والصحاري خذتنــــــي


عمري قضيته بين خاين وخـــــــوان
أخلصت حبي والقلوب أخدعتنــــــــي


عشت بـ زمن كله خيانة وحقــــــران
وحتى القلوب الطيبة ما أنصفتنــــــي


وفيت أنا لـ الكل وأصبحت غلطــــان
أعطي وهـ الدنيــا أبــد ما عطتنـــــي


كلي جروح وداخلي قلب ضميـــــــان
أشرب همومي والألم فوق متنـــــــي


ماني على شي أبد صرت ندمــــــــان
غير إني أوفي ودنيتـــي أتعبتنـــــــــي


ليه السؤال وعمري اليوم عنــــــوان
عنوان لـ جروحي ودنيـــا شقتنــــــــي


عمري فراق وهم وجروح إنســـــــان
عمــري سنيــن بـ الأســى عذبتنــــــي


عمري ظلام وحزن وجروح خـــــــلان
خلي ظلمني ودمعتي أحرقتنــــــــــــــي


عمري سجين وضحكتي خلف قضبان
مظلوم في دنيا ردية أظلمتنـــــــــــــي


عمري زهر بس لـ الأسف صار ذبلان
وكل البحور بـ كبرهــا ما سقتنـــــــــي


عمري عريس وبين هـ الناس خجلان
وعروستي دنياي بس ما أعشقتنـــــي


عمري بحر وقلبي معه دوم عطشــان
أشرب بس أكفوف الزمن ما روتنـــي


عمري تجارب وداخلي قلب ربحـــــان
ونفس القلوب السود هي أخسرتنــــي


يكفي شموخي وهيبتي قوة إيمــــــــان
وأموت عالي ودنيتي ما وطتنـــــــــــي


هامة بطل لااااااا حشا كيف تنهــــــان
أوضع بـ قبري وهامتي ما أخذلتنـــــي


عمري مع جرحي سوى مثل الأخوان
أعشق جروحي دامها ما نستنـــــــــي


يا اللي بـ تسألني ترى الجرح ما صان
إلا جروحآ وسط قلبي غزتنــــــــــــــــي


وعيوني اللي دمعها فوق الأوجـــــــان
دموع من ظلم الحبايب كوتنـــــــــــــــي


وما صرت أميز بين علان وفــــــــلان
لكن جروحي بـ البشـــر علمتنـــــــــــي


هذا العمر عمري وما فيه نقصــــــــان
أصبحت شايب ودنيتي دمرتنــــــــــــــي

[مجنونك ما يخونك]

[أميرة الروح]

نص واختيار جميل
يعطيك العافية عالانتقاء
بارك الله فيك
(يستحق ان يتوج بالنجوم)

[رايق البال]

هلا نواره ..
الله عليك الله نص جدا راقي
الف شكر لجهدك وتفاعلك الجميل
طابت صباحاتك ..

[اطياف السراب]

نص رائع جدا

شكرا جزيلا لك على جهودك

[عاشق مملكة تايلاند]

دُمتَمْ بِهذآ الع ـطآء أإلمستَمـرٍ

يُسع ـدني أإلـرٍد على مـوٍأإضيعكًـم وٍأإألتلـذذ بِمـآ قرٍأإتْ

تـقبلـوٍ خ ـآلص احترامي لآرٍوٍآح ـكُم أإلجمـيله

[نوارة الكون]

اسعدني مرورج اختي
دمتي في حفظ الرحمن

[نوارة الكون]

نص واختيار جميل
يعطيك العافية عالانتقاء
بارك الله فيك
(يستحق ان يتوج بالنجوم)

اسعدني مرورج اختي
دمتي في حفظ الرحمن

[نوارة الكون]

هلا نواره ..
الله عليك الله نص جدا راقي
الف شكر لجهدك وتفاعلك الجميل
طابت صباحاتك ..

اسعدني مرورك اخوي
دمت في حفظ الرحمن

[نوارة الكون]

نص رائع جدا

شكرا جزيلا لك على جهودك

اسعدني مرورك اخوي
دمت في حفظ الرحمن