ودعتك الله لو على قلبي اخطيت

[نوارة الكون]

ودعتك الله لو على قلبي اخطيت







ودعتك الله لو على قلبي اخطيت = وحاربتني من دون ذنب وخطيّه

احسبك تذكرني إذا اصبحت وامسيت = واثرك على فرقاي نفسك هنيّه

الله واكبر كيف عنّي تخلّيت = من بعد ما علقت روحي البريّه

وش غيّرك وش بدّلك ليه صدّيت = وانت الذي بالقلب نبض وهويّه

من هو بقى لي بعدما عنّي اقفيت = وقدمتني للحزن اثمن هديّه

كل شي تخيلته ولا يوم ظنيت = إنك لحد غيري ولا نتاب ليّه

ويلك من الله كيف بالحب ضحّيت = قلبك حجر ما حنّ يومٍ عليّه

اللي بنينا بْعمر في يوم هدّيت = واحلامنا ما عاد منها بقية

اتعد غلطاتي إذا يوم زليت = من دون مدري .. وين ذيك الحمية

مافيه معصوم الخطا لو تحريت = ولا فيه كامل غير رب البريّه

ولو ما احبك ما نشدتك ولا اطريت = بعدك وصدك وانتخيتك نخيّه

ترجع لقلبٍ يوم بالعقل حبيت = وتترك هل الأحقاد واهل الوشيّه

خايف عليك وخايفٍ منك ياليت = مايوم حبيتك وصرت الضحيّه

لا نيب حي بعد هجرك ولا ميت = ولا ني مريض ينعرف بالشكيّه

لكني ادرى بحالتي لا ترديت = ولا ينفع الملتاع طبه وكيّه

مالي سوى الي كلما راح ناديت = يا كود يسمعني ويرجع اليه

[أميرة الروح]

نص واختيار جميل
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[اطياف السراب]

انتقاء رائع جدا

شكرا جزيلا لك

[نوارة الكون]

نص واختيار جميل
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

اسعدني مرورج اختي
دمتي في حفظ الرحمن

[نوارة الكون]

انتقاء رائع جدا

شكرا جزيلا لك

اسعدني مرورك اخوي
دمت في حفظ الرحمن

[مجنونك ما يخونك]

[نسر البوادي]

لا تعليك ياذوووق دائما طرحك يروق لي تسلمين ويسلم الذوووق اختي نواره

[نوارة الكون]

اسعدني مرورك اختي
دمتي في حفظ الرحمن

[نوارة الكون]

لا تعليك ياذوووق دائما طرحك يروق لي تسلمين ويسلم الذوووق اختي نواره

اسعدني مرورك اخوي
دمت في حفظ الرحمن