من متى والغصن يختار الطيور؟!

الجزء الخامس عشر ،،

آهٍ على قلبُ هواه محكمُ
صعب الجوى منه فيكتم
ويحي أنا بُحت لها بسرّهِ
أشكِ لها قلبا بنارها مغرمُ
ولمحت من عينيها ناري وحرقتي

قالت على قلبي هواها محّرمُ
كانت حياتي فلما بانت بنأيها
صار الردى آهٍ عليَّ أرحم!!
،،

على انقاض جرحه صعد "مشعل"فوق، وقف بين غرفة لوجين وغرفته ،وقف وهو ندمااان انه أهدر كرامته وباح بحبه لها،بدون ما يسمع منها استجابه!!

بهاللحظات طلعت "لوجين" وكانت لابسه بيجامة نوم حرير لونها أحمر وكان بيدها جيك ماء زجاجي فاضي.. وتفاجأت فيه واقف ..ناظرته بإحتقار ونظرات ناريه.. ومشت وتركته..

مشعل وكأن رأسه يوجعه وقف يناظرها لين نزلت ..ودخل غرفته واحباط هالعالم يعتريه.. نظرات لوجين فيها عتب فيها قهر فيها شي صعب تفسيره.. انتبه للصندوق اللي جابه لها هديه.. مرمي على الأرض والورد منثور و كل شي حوله..
نزل يلمه بإنكسار.. وهو يحس بحراره تفوح من صدره… شال الورد ورجع كل شي للصندوق،ورفعه على الشوفينرا..

اتجه لسريره وهو يحس بخمول غير عادي..ويحس بثقل في رأسه فصخ ثوبه وكل ملابسه ولبس برمودا اسود بدون تيشرت،..استلقى على سريره وبدون لحاف.. وغمض عينه وهو يحس أنه يسحب انفاسه بصعوبه...
،
،
رجعت لوجين بعدما عبت جيك المويه.. اتجهت لغرفتها وهي تناظر باب غرفة مشعل المغلقه بلا مبالاة.. دخلت غرفتها وسكرت الباب..

اخذت جوالها واتصلت برقم لمياء وانتظرتها ترد..
لمياء ردت ع جوالها وصوتها نعسان/الووهه
لوجين بإصرار/لموش.. صحصحي معايه
لمياء وهي تتثاوب/لوجين انتي شايفتني بحلمك والا ايش بالضبط.
لوجين قاطعتها/راح أهرب الصباح.. بعد صلاة الفجر..
لمياء استقعدت وهي تحاول تركز/بدررري
لوجين/انا حابه اطلع بسررعه قبل اغير رايي
لمياء/اوكي اوكي.. انتظرك في فندق قصر أبها..
لوجين/اوكي ..يلا باي
لمياء/باي.
،
سكرت لوجين الجوال وهي تحاول تهدي نفسها.. اتجهت لسريرها واسترخت.. تذكرت ليلة نام معها مشعل ونزلت دمعتها مثل جمره و عقدت العزم اكثر انها ماتقعد هنا اكثر من كذا..
/
/
/
/
اصواات آذان صلاة الفجر عطرت الأجواء ..في مدينة جدّه..
وها هي قطرات ماء الوضوء تتسلل من بين ايدي المستيقضين للصلاة..
في بيت كانت تسكنه "لوجين" يوماً ما…
أم على سجادة صلاتها تدعو الله بعدما رددت وردها اليومي..
تذكرت بنتها بدعوه وهي تلمح ملامح لوجين بوجه ذابل امام عينيها.. وكأنها تجلس معها… !!
وبصوت يخنقه البكى( يا رب صبّر بنتي.. وألهمها الصواب ويسّر لها كل أمر عسير.. واشرح صدرها واسعدها بحياتها واجعل زوجها قُرّة عين لها.. يا ررررب)..
دخل ابو لوجين وهو يسمع دعوات زوجته لبنتهم… وابتسم وتمتم/آمين يا رب..
/
/
/
/
/

الساعه 6الصباح نزلت مستعجله قبل الكل ينتبه على تحركاتها..
شنطتها صغيرة الحجم ..دقت ع السايق اللي اتفقت يوديها لأبها علشان بنت خالتها تعبانه وكذا ..
السايق بكلام مكسر/اللهيين مدااام لييس مايخلي سير مشعل يودي انتي!!.. مافي كويس بعدين يزعل هو مايهبي
كزا شغل
لوجين مدت عليه 200ريال/ماعليه يا معتصم انتا نفر كويس..انا بس بروح للمياء.. انت معلوم مين لمياء
معتصم هز راسه/خلي فلوس مال انتي معك انا مايبي، سير مشعل نفر واجد كويس.. في راتب كويس في هدايا في شغل كويس في ودي هدايا اهل مال أنا كويس..
لوجين ناظرته بنص عين/طيب طيب.. امشي بلا في شكلك.. وديني وبعدين اتكلم براحتك.. مافي وقت
معتصم السايق/كيف مافي وقت ؟!!..هذا الساعه6ونص
لوجين وهي تناظر الساعه خايفه احد يقوم وتظن ان محد دري بها/اففف.. معتصم بسوررعه.
ومشوا..
/
واقف قدام شباكه وهو محموم ويناظر لوجين وهي رايحه. هو عارف انها كرهته وانها معاد تبيه،بعدما راحت من دون أذنه.. وتظن ان السايق ما راح يقول لـ مشعل بكل شي يسويه.. .. بخاطره الف جرح.. لأنه يعرف ان اليوم موعد طيارة لميا واخوها.. وعرف انهم حاجزين للوجين معهم..
تركها بكرامه… دامها ما استأذنت… لكنه عقد العزم انه يعاقبها على هروبها..
حلف بداخله ألف يمين أنه ينكد حياتها..لو راحت ومسحت برجولته الأرض قدام الناس.. لو أكدت شكوك اهله في اخلاقها.. وخلته مضحكه بين الكل.. راح ينتقم لكبريائه المهدور.. وراح يدوس على قلبه اللي يحبها!!
ترك "مشعل" الشباك واتجه لسريره وهو يحس بصداع وخمول غير طبيعي يادووب رمى نفسه على السرير و أغمي عليه من شدّة الحراره..
/
/
/
/
صاحي من بدرري.. وينتظرها بلوبي الفندق.. يتصفح جريدته بدون اهتمام بما فيها من اخبار…لأن عينه على مدخل الفندق وقلبه يتوق لمقابلتها وهي حرّه من أي ارتباط بمشعل...
خلاص حلمه معها بدأ يتحقق.. وهذي هي اليوم جاءت لين عنده وتركت زوجها وراء ظهرها..
/
خارج الفندق;
لحظات ووصلت لوجين ..،
معتصم/مدام أنا هنا في ابها سوي شغل.. اذا انتي خلص.. سوي تلفون.. وانا يجي علطول
لوجين ناظرته بطرف عينها ونزلت بدون تهتم باللي يقول لأنها عازمه ع الرحيل ..
نزلت مستعجله ودخلت الفندق… اتجهت للأصنصير علشان تروح للجناح اللي تنزل فيه لمياء..
لمحها وهي جايه ولحقها.. ودخل معها الاصنصير..
لوجين شافته واستغربت تصرفه ووقاحته/زياد!!
زياد ببتسامه/يب زياد
لوجين كانت لابسه نقاب و نزلت الغطا على عيونها وصدت،
تذكرت هاللحظه "مشعل" اللي يغض البصر عن اي بنت.. وكان يخجل ومؤدب، و هذي من الصفات اللي جذبتها له..
زياد/كيف الحال.. ؟
لوجين والثواني صارت عندها دقايق/الحمدلله
زياد/الحمدلله انك تركتي هذاك القروي.. بصراحه ماتوقعت انك بيوم من الأيام تتزوجين واحد غبي مثل مشعل
لوجين رفعت ناظرها له وهي مستنكره حديثه عن مشعل بهالوقاحه/زياد ماله داعي تتكلم بأحد
زياد بلا مبالاة/ههههه اصلاً حاليا مشعل ولا شيء وما راح يعتبرونه اهله "أحد" بعدما هربتي وتركتيه ههههههه
لوجين هالكلام جرحها في صميم قلبها قبل انه يجرح احد ثاني..
انفتح باب الاصنصير واتجهت لغرفة لمياء وهي تفكر بكلام زياد واحتقاره لمشعل!! ..مهما كانت رغبتها كبيره في الهرب والرحيل.. إلا ان مشعل يحتل مكانه عاليه بقلبها.. ولو انه جرحها وشك فيها وأهانها…!!
دام ان زياد المتعلم تكلم عن مشعل بهالطريقه.. اجل اهله واهل قريته ايش بيقولون عنه!!!
لمياء فتحت باب الجناح لأن زياد اتصل عليها واخبرها/اهلييين لولو
لوجين ببتسامه باهته/صباح الخير
لمياء/تفضلوا
لوجين بدون تلتفت على زياد/زياد لو سمحت ابي اخذ راحتي
ممكن؟
زياد اتفشل وابتسم نص ابتسامه رماديه/اوكي خذوا راحتكم.. اصلاً انا طالع عندي مشوار كدا صغير
لمياء/اوكي
نزل وهو مقهووور من نفور لوجين منه(بسييطه مصيرك لي يا لولو هههه)
/
/
/
/
/
الساعه 9صباحاً..،
على سفرة الفطور في مجلس عربي لون اثاثه احمر انيق..
زينه تناظر الساعه وقلقااانه/غريبه اخوي للحين ما نزل!!
ام مشعل/لا يكون هالحيّه منكده عليه وخلته يطلع بدون فطور!!
زينه/لا يمه..مشعل ما راح سيارته براا..
ام مشعل بدون اهتمام/شوي وجايي مع الحيّه مرته
زينه ما ارتاحت/انا مو مطمنه بروح اشوف اخوي.. البارح مرّ علي وما شافني وهو راجع.. كانت عيونه باين فيها تعب..
ام مشعل/اقول اقعدي قد زوجناه.. لو فيه شي كان نزلت زوجته وعلمتنا
زينه جلست وهي مب مرتاحه..
/
/
/
/

قبل ساعه من موعد الطياره..
لمياء شافت لوجين واقفه عند الشرفه وتناظر ابها وسرحانه/هلووو
لوجين التفتت عليها وساكته/..
لمياء ببتسامه/شفييك معبسه كذا؟..خلاص انبسطي كلها دقايق وتطلعين من حياة مشعل للأبد
لوجين باحساس متضارب/ماني عارفه ليش قلبي مقبوض
لمياء/ههههه يمكن علشان هربانه وكذا
لوجين/مو معقوله هالامور تتسلك بهالبساطه واهرب بدون يحس احد فيهم
لمياء/ايش قصدك
لوجين/في شي ناقص.. والغريب ان السايق ما يتحرك دوم الا بموافقة مشعل.. لكن بعدما طلبت منه يوديني ماتردد وما طلب اذن مشعل!!
لمياء مو فاهمه/تبين تقولين انه عارف انك هربانه وساكت.. مستحييييل
لوجين التفتت عليها وبعيونها جديّه/مشكلتك ماتعرفين مشعل، مستعد يتعامل معك ببرود العالم وهو من داخله يحترق.. اذا مضطر يتعامل معك
لمياء/مافهمت
لوجين/ولا راح تفهمين علي..
لمياء/يوووه خلينا من مشعل اللحين وقومي نلبس عباياتنا السايق تحت ومنتظر يودينا المطار، بسرعه قبل يلاقينا مشعل ويبهذلنا
لوجين بعد تردد/يلا مشينا.
،
،
،
،
،

اتجهت لجناح اخوها وزوجته وهي خايفه، طقت ع الباب وتفاجأت ان باب الجناح مفتوح ودخلت واتجهت لباب غرفتهم وضلت تطق الباب ومححدد يررد!!
زينه محتاره/معقوله كل هذا نووم!!… والا طلعوا بدري مع بعض!!..
طقت الباب وتفاجأت انه مب مقفل ونادت/لوجيين.. في احدد هنااا!! قووموووووا
دخلت زينه لانها حست ان الغرفه فاضيه او الناس صار لهم شي!! لاحظت السرير من طرف لوجين محيوس ومن الجهه الثانيه مرتب!! /غرريبه وين اخوي اجل ووين لوجين بعد
اتجهت للحمام وحصلته فاتح ومحد فيه!!
طلعت زينه وبدأ الخوف على ملامحها واتصلت في اخوها وسمعت صوت جواله في الغرفه الثانيه واستغررربت .واتجهت للغرفه،انصدمت انه ينام لحاله!! وفهمت ان كل واحد بغرفه/مششعل
مشعل كان ممدد على السرير وحالته حاله وجهه احمر وتنفسه صعب، ومو حاس باللي حوله!!
زينه استحت لأن عمرها ما شافت اخوها بدون تيشرت.. قربت منه واخذت اللحاف تبي تغطي علشان تقومه/مشعل
مشعل بدوون رررد/…
زينه حست بلهيب حرارة جسمه وهي تغطيه.. ومدت يدها لجبينه وامتلأ قلبها رعب من شدة الحراره/مششعل انت محمووم؟!! من متى
مشعل ما كان يحس بأي شي..!!
زينه نزلت ركض واتجهت لأمها/يماااه الحقي
ام مشعل خافت من طريقة بنتها ودمعتها/اشفيييك خوفتيني
زينه وهي تلهث من الركض/اخوي مشعل محموم ونايم بالجناح ،حرارته حيل مرتفعه ومو حاس باللي حوله
ام مشعل راحت مستعجله وهي تسأل/وين زوجته عنه.. ليه ما قالت لنا
زينه ترددت لأنها حست ان بين اخوها وزوجته مشكله/شكلها طالعه مشوار من بدري
ام مشعل/اتصلي فيها هالخبله وخليها ترجع امححق زووجه بس
دخلت على ولدها تحسست جبينه بيدها وباسته على راسه بحنان الأم/حبيبي ولدي.. مشعل رد علي
اخذت فوطه قريبه منها وراحت تبللها وتحطها على راسه/زينه نادي ابوك بسرعه.
،
،
،
،
*بعد نص ساعه*
المطار.. ،
تم كل شي بسهوله وباقي يركبون الطائره.. لكن ينتظرون يعلنون عن موعد الرحله.. بعد دقايق..
لمياء ببتسامة انتصار/خلاااص ما بقى شي وتنسين كل هالكابوس اللي عشتيه الاشهر اللي راحت
لوجين روحها كانت تنازعها بهاللحظات بين انها انها تسافر وتحقق ذاتها وبين انها تطاوع قلبها اللي يلّح عليها بالرجوع!!.. وتتسائل بداخلها ليه مشعل ما اتصل عليها؟! الساعه صارت10 وما اتصل.. "معقووله مافقدني"..!!
اقبل زياد ومعه كوبين قهوه/تفضلوا..
لوجين/شكراً زياد مابي
لمياء/اخذي لك كوب قهوه خليك تعدلين مزاجك
لوجين قررت تاخذ الكوب لعل وعسى يرتاح راسها..
بهاللحظات رن جوالها..
زياد عصب/انتي ليش مو مقفله جوالك؟!!
لوجين التفتت عليه بنص عين وردت على جوالها عناد فيه، وهي اصلاً محروق قلبها ان محد دورها ومشعل ما سأل فيها/الوه هلا زينه…
زينه بالجوال وصوتها متغير/لوجين وينك رايحه من الصبح
لوجين نزلت كوب قهوتها ووقفت خايفه/زينه وش صاير ليه صوتك كذا مخنوق.
زينه ببكاء مخنوق/مشعل اخوي اخذوه المستوصف وهو ما يحس فينا.. كان حيييل محموم وحرارته مرتفعه كان بغيبوبة حراره
لوجين ماتدري شلون تتصرف بهالللحظه الصعبه ومومصدقه/انتي تكذبين صح؟
زينه بكت/والله ما اكذب والله.. انتي وينك للحين
لوجين خافت لأن زينه تبكي اكيد السالفه صدق،لفت وهي تناظر حولها/انا جايتكم حالاً.
سكرت جوالها واتصلت مباشره على معتصم/الو معتصم فينك؟...تعال بسرعه أنا في الأيربورت اوكي…. لا تكثر حكي وتعال بتلاقيني مستنيتك براا في الباركنج.. سلام.
لمياء عقدت حواجبها/لوجييين ..وش قاعده اسمع.. معقوله بترجعين له
لوجين وهي حيل خايفه/مشعل حيل تعبان ومو بوعيه.. لازم اكون معه
لمياء/يووووه ايش قلنا احنااا
زياد بعصبيه/هذا اكيد مقلب منه علشان ترجعين غصب
لوجين خزته بنص عين/مشعل مو صاحب ألاعيب.
زياد/يعني كيف.. غيرتي رايك و ماراح ترجعي معانا
لوجين/لا ماني رايحه
لمياء خنقتها العبره/لولووو
لوجين ضمتها بسرعه/يلا اشوفك على خير
ومشت وتركتهم….. ،
زياد جلس وهو حيل مزعوج ومتضايق ويلعن مشعل بداخله، كيف كان قريب من تحقيق حلمه وفجأه تبخر..!!
لمياء جلست جنبه وهي تواسيه/زياد اتمنى انك اقتنعت اللحين وفهمت انها مو لك..
زياد قام بنرفزه/قوومي نمشي بسرعه شوي وتطير الطياره..

/
/
/

*في الطوارئ.. *
محاولات جاهده من الطبيب والكادر الصحي حتى يخفضون حرارة جسم مشعل المتقده..
ابو مشعل واقف وعلى اعصابه/دكتور وش فيه ولدي؟
الدكتور/اظن ان اللي معاه حراره عاديه وراح تنزل ان شاء الله
بو مشعل محتار/كيف حراره عاديه وهو في غيبوبه ونفسه متقطع!
عزيز وهو معصب/انت دكتور انت… تصررفوا
الدكتور خايف/احنا عملنا اللازم..
،
،
كابرت على هوى قلبي و أشواقه..
ظنيت أني بقدر على الفرقا وتاليها..!
مادريت أني غريقة بحر حبك وأمواجه!!
حاولت أقاوي امواجه وعجزت لا أقاويها!!

وصلت للقريه وقربت من المستشفى وهي خااايفه.. وقلقانه..
معتصم/مين في تعبان
لوجين وهي متوتره/مشعل. بسررعه يا معتصم
معتصم اهتم لان الموضوع فيه مشعل اللي يحترمه/ان شاء الله في قوم بالسلامه..
،
وصلوا المستوصف الصغير اللي بهالقريه ..
لوجين نزلت مستعجله كلما تتذكر الاهمال الوااضح بالمستوصف تخاف اكثر…
اتجهت للطوارئ وعينها تدوره..وبالتحديد غرفة الرجال لأنها عارفه مكانها وشافت عمها واتجهت له بلهفه/عممي وين مششعل
بو مشعل التفت عليها/بسم الله.. انتي وش جابك هنا مع الرجال؟
لوجين/عممي وين مشعل… هو بخير؟صح؟
عزيز/لوجين وانا اخوك اهدي شوي خلينا نتكلم
لوجين حاولت تهدي/ماني شايفه غيرك وغير عمي، تكفون وين مشعل
بو مشعل عصب منها/وانتي وش عليك من مشعل؟ روحي وخلينا عنده
لوجين انقهرت ..وناظرته بحرقه وغبنه/انت حرام تكون ابو مشعل
بو مشعل ضربها كف ما توقعته…!!.. وسط دهشة عزيز!!