((((( إذا زعـــــــــــــــــــــــــلتي )))))

[نسر البوادي]

إذا زعلتي ياشقا نفس تغليج
ليتج عن اللي يعصر الجبد تدرين

واذا رضيتي يرضى الله اراضيج
احس كل الناس برضاج راضين

ماحد بقلبي في غلاتج يساويج
يامن على كل المخاليج تغلين

بس قولي انتي جيف اسوي وانا ارضيج
لو عين يفدنج عن العين عينين

يامن إذا بين الملا حل طاريج
تستبشر بقلبي جميع الشرايين

لو تزعلي حرات قلبي تناديج
تكفين لاتقسين تكفين .. تكفين

لاطاب جرحي .. جان جرحي يسليج
لكني ادري في جروحي تحسين

ضاقت علي الارض ربي يخليج
.. احبس انفاس الالم بين ضلعين

ماظني اخطي بج واذا خطيت لبيج
امرج على نفسي وروحي تمونين

العذر طبعج والسماحة مباديج
والصفح اصلج والعفو جان تعذين

[سحابة ممطرة]

اختيار رااااائع اخي نسر
كل الشكر لك

[نوارة الكون]

سلمت يمناك اخوي
ودمت في حفظ الرحمن

[أميرة الروح]

نص واختيار جميل
كل الشكر لك عالانتقاء المميز
بارك الله فيك
(يستحق ان يتوج بالنجوم)

[نسر البوادي]

تسلمين احتي سحابه ممطره مرورك العطر اسعدني ياذوووق

[نسر البوادي]

تسلمين احتي نواره مرورك العطر اسعدني ياذوووق

[نسر البوادي]

نص واختيار جميل
كل الشكر لك عالانتقاء المميز
بارك الله فيك
(يستحق ان يتوج بالنجوم)

تسلمين احتي اميره الذوووق مرورك العطر اسعدني

شاكرا لك تزيينك الصفحه بالنجوم الخمس
كلك ذوووق

[اطياف السراب]

نص رائع جدا

شكرا جزيلا لك

[نسر البوادي]

تسلم اخي اطياف مرورك الرائع اسعدني ياذوووق