((((( الغرب يصنع طايرات وصواريخ )))))

[نسر البوادي]

الغرب يصنع طايرات وصواريخ ... والشرق الاوسط ضاع نفطه بلاشــي

حطوا لهم في صفحة العلم تاريخ ... وحنا لماضينا نعيد النــقــــــاشي

من عقب ماكنا جبال شواميــــــخ ...صرنا تحت حكم الاجـانب ولاشـــي

شي يدوخ الراس تدويـــــــــــــخ ... وشلون عقب الحر حام الفراشــــــي

قولها والقلب اقوى من الصيـخ ... متى نشوف الحق في الارض ماشــي

القائل هو الشاعر : حمود البغيلي

وقد ردّ الشاعر ( باقي المفلح ) على هذه القصيده بقـــــو له:

يابن البغيلي للعـــــــرب بعد تـــاريخ... من قمه لقمه كلام وتمــــــــــاشي

شف هالجرايد كلها صورة الشــــيخ... والشيـخ مايسوى خسارة فلاشــي

واعلام شاطر في عروض المفاصيخ....والحر يكفــخ بين مرشي وراشـي

والا شباب من العوايد مســــــــــاليخ ... والا بنات للــــــــنصارى تماشــي

للي يقول الحق ياحمود تكفيــــــــــخ... وللي يقول الزور عز ومعاشــــــي

ارهابي اللي ينصر الدين ياشيــــــخ... والا اليهودي ياخذ ارض وكاشـــي

خلك بشعر المدح مدح الشواميـــــخ ... اللي معاركهم بكاس وفراشـــــــي

حنا العرب مابين كوره وبطيــــــــــخ... في كل ملعب تلتقينا نفاشــــــــــــــي

بننتصر ياحمود بالطاخ والطيــــــخ...كم الف مطرب سوقهم بانتعاشــــــــي

بافلامنا بنوصل الصوت للمريــــخ... وببشوتنا بنصد قصف الاباتشــــــــي

بالرقص نقدر نكتب احلى تواريــخ...مادام صرنا بين خاين وواشــــــــــــي

واموالنا ترجع علينا صواريــــــخ... وجروحنا تنزف ولا فيه شاشــــــــــي

هيا تعال نوجه لبوش توبيـــــــــخ ... ليه العرب يابوش عندك مواشـــــــي

ونحذرك يابوش يكفيك تلطيـــــــخ... لاتحسب ان الدم ضاع ببلاشـــــــــــي

حكامنا يابوش شلة مداليــــــــــخ... لكن يجونك ساكنين العشاشــــــــــــي

ناس تسمع صوتها للمصاميــــخ...ناس تموت اعراضها ماتناشــــــــــــي

يابوش صبرك لين تلقى المطانيخ... اللي يردون الذيابه كباشــــــــــــــــي

اهل الفعل يسقونك الرد زرنيخ ... اللي مع الله لازمين المماشــــــــــــــي

[نوارة الكون]

سلمت يمناك اخوي
دمت في حفظ الرحمن

[نسر البوادي]

تسلمين اختي نواره مرورك العطر اسعدني ياذوووق

[اطياف السراب]

انتقاء رائع جدا

شكرا جزيلا لك

[نسر البوادي]

تسلم اخي اطياف السراب مرورك العطر اسعدني ياذوووق

[أميرة الروح]

نص واختيار رائع جدا

يعطيك العافيه عالانتقاء الرائع
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره مرورك الرائع اسعدني
شاكرا لك تزيينك الطرح بالنجوم الخمس
كلك ذوووق