((((( والبل يداوي شوفها كل عله )))))

[نسر البوادي]

والبل يداوي شوفها كل عله
ودوا من السكر وضغط الشرايين

والبل لها تاريخ جا في سجله
من خلقت الدنيا مع الأوليين

والبل يلا جات الشحايح ممله
وعند أهلها يشرونها بالملايين

ومن ترك البل ذاك كبه وخله
ولا تعشقنه يالبنات المزايين

ماتركوها ألا رجال المذله
باقي شرفها مع ملوك وصلاطين

ون شفتها في الغر لرفح مظله
طالع نباته مثل وصف البساتين

والبدوا بنوا في جديد المحله
متخالطه عيدانها تفتح العين

بين النشاما هرجهم ماتمله
ونسوانهم متصادقات على الدين

ياتيك برادن ويقفاه دله
ويندار من بين الرجال المسمين

ولاش مسوى حرمته في محله
يتروح الضيفه يدور لها وين

والنوم قسمه كل فرض يزله
ماقام تالي الليل سعف المصلين

هذاك من لنذال خله بغله
ضعيف عقله مايعرف القوانين

ون خيروني منزلن ينتزله
ودي بشوف البر في عافي الطين

ولا لي بمنزال العماره وفله
ومغلقه لبواب كنهم مساجين

ومشاهد القصه وشوف المجله
أخير لي منها هدير البعارين

وفرقت غنم وأبلن أصايل وقله
عند الزكاه أعداد خمس وثلاثين

ويالله يلي كل يابس يبله
أرحم بلادك والضعوف المساكين

بالساري الودان يمسي يهله
ويصبح مهجل بعد ماسال سيلين

على القعيميات يمطر يعله
اٌمين يارب الحجيج الملبين

وعلى الأخاشيم أدلهم ساريله
برقه ينوض وينزل الماء على الطين

ويالله يا مامر مكاييل يالله
اٌمر لنا بالخير وحنا مطيعين

وأحنا على نهج النبي مانزله
محمد حبيب الله خير النبيين

[مجنونك ما يخونك]

[اطياف السراب]

انتقاء رائع جدا

شكرا جزيلا لك

[أميرة الروح]

نص واختيار رائع جدا
يعطيك العافيه عالانتقاء الرائع
بارك الله فيك
(يستحق ان يتوج بالنجوم)

[نسر البوادي]

تسلمين اختي مجنونك مرورك الرائع اسعدني ياذووق

[نسر البوادي]

تسلم اطياف السراب مرورك اسعدني ياذوووق

[نسر البوادي]

تسلمين اختي اميره مرورك الرائع اسعدني
شاكرا لك تزيينك الطرح بالنجوم الخمس
كلك ذوووق

[نوارة الكون]

سلمت يمناك اخوي
ودمت في حفظ الرحمن

[نسر البوادي]

نواره تسلمين اختي مرورك العطر اسعدني ياذوووق