اقتباس المشاركة الأصلية كتبت بواسطة يَاسَمِين مشاهدة المشاركة
السلام عليكم
يمكن البنت ما عندها احد يعلمها


ثانيا انت غلطان بعد
خلال البحث عن شريكه حياتك
كان الاولى تسأل عن كل صغيره وكبيره تخصها
ثقافتها ، اخلاقها ، السنع وغيره دامك تريدها تطبخ من البدايه تسأل عن هالاشياء
او اقل حاجه خلال النظره الشرعيه تستشف الثقافه والشخصيه
لما تكلمها وتحاورها .

ودام خلاص ارتبطوا
لا تحسسها بأنها جاهله او كسوله
علمها وفهمها امور دينها وشغل البيت
حببها فيك لا تحرجها وتجرحها لانها ما طلعت على هواك
اخذ لها كتب اذا تحب تقرأ
او ارسل لها راوبط او فيدويهات من النت
عن اي شيء تريدها تتعلمه
الطبخ والتنظيف تساعدوا انت واياها ما عيب ولا ينقص ولا يقلل من رجولتك.

بعدين جملتك تدفع عشان تستقر وتبني حياه ما عشان تموت جوع وقهر
هالجمله ابدا ما حلوه لا بحقك ولا بحق شريكة حياتك
ومستفزه .
انت ملزوم ..هذا الدين امر فيه
انت ما دافع عشان جهاز كمبيوتر وطلع فيه عيوب
ولا دافع عشان تجيب شغاله تنظف لك وتأكلك

هذه الانثى ب تقاسمك تفاصيل حياتك بحلوها ومرها
ل زوجه تحميك من الحرام ل ام تربي لك اولادك
محد كامل الكمال لله
ومحد ينولد يعرف كل شيء
ممكن تبدأ معها من الصفر
امهات اول تزوجن صغار تعلمن ف بيت ازواجهن ..

و اعرف بنت تزوجت ع طول بعد الثانويه ما عندها لا خبره ف الزواج ولا بالطبخ وغيره و زوجها كان لها كل شيء ووقف معها ووقفت معه ف اصعب ظروفه

انت انسان ممكن تكون رسمت صوره مثاليه للزوجه ونسيت الباقي
بس بأمكانك الحين تساعدها وتكون لك مثل ما تريد واحسن .
بس توقف عن التذمر والانتقاد وابدأ ساعدها .

راح يعاتبها عتاب المحب
ويكون لها عون بإذن الله
طالما اختارها شريكة العمر إذن هو اهل لذالك