كنا في الطريق لبيت اهلي بعد ماستقبلنا ابوي..في السيارة كنت انا وابوي نسولف
وسلطان ساكت..واذا سأله ابوي يجاوب ويسكت..الي مايعرفه سلطان ان اهلي للحين مايعرفون..ويمكن كان متخوف علشان كذا مايتكلم..هدنة المشاعر بدأت من امس..كلامنا صار قليل مع بعض..لكن كلنا نتعذب..حاسه فيه انا..مو قادر ينام..كله يتقلب على الفراش..الي عذبني انه مشتااااق لي بس مو قادر يقرب مني بناء على طلبي..امس حط ايده على شعري وبعد لحظات شالها..انا ماابي احرمه..ولا ابي انحرم منه..لكن مو الحين ياسلطان ..أنا تعبانه..
حاولت اتحاشى نظراته الي تذبحني..احسه يتابعني بعيونه وانا ارتب اغراضي اليوم الصباح..وكل مالتفت له ناظر شي ثاني..
.
.
بعد ساعتين من وصلنا بيت اهلي كنت انا عند امي واخواتي وسلطان مع ابوي واخواني في المجلس..
دخل علينا ابوي واخواني ..
-هديل يبه ..زوجك يبي يودعك ..بيمشي الحين..
ماس كهربائي سرا في جسمي..ااه ياسلطان والله فراقك ما اقواه..بس احسن لك ولي..
-ان شاء الله يبه..
قمت وانا في الطريق تسحبني اختي وتهمس
-عاد لا اوصيك ودعيه زين هاه..ههههههه
من جد في هالدنيا ناس ماتدري عن شي..اودعه زين..والله مناي ماافارقه لحظه..
دخلت عليه وكان مبين انه تعبان..حاط راسه بين ايديه..اول ماسمعني ..رفع راسه
وابتسم لي..
-هلا ..هلا بروحي..
حسيت ان كل حرف يطلع من قلبه..ااااااه ياسلطان والله ماابي اعذبك..اسفه حبيبي والله ماتهون علي..
قربت منه وجلست جنبه..
سكتنا شوي..
-هديل رحلتي بعد ساعة تقريبا..تامريني شي..؟!!
ناظرته ..كانت عيونه الي تتكلم..كان يقولي حرام عليك ..حتى انا مو ذنبي..
كان يقولي..ماابي ارجع لوحدي..محتاجك..
بعدت عيوني عنه ..مااقدر اناظرها اكثر..كلنا نتعذب بدون ذنب اقترفناه..يارب انت ادرى فينا..ساعد قلوبنا يارب..
-انا اسفه سلطان..
مسك ايدي..
-حبيبتي من حقك الي تسوينه لا تعتذرين..انا الي اسف..اسف اني عذبتك معاي..انا مااستاهلك ياهديل..
-سلطان ..أرجوك ..الله يخليك ...لا تقول هالكلام الي يصير مقدر ومكتوب لنا..
-ااااااه ياهديل ..ماطاوعك قلبك حتى تقولين لأهلك..خايفه علي وأنا أأذيك..
-خلاص حبيبي..أرجوك..خلاص..أنا بقولهم بعد ماتسافر..وأنت لا تشغل نفسك فيني..أنا معاي ربي..
-اوكي قلبي..انا بحولك مصروفك اول مااطلع..وراح اتركك هنا حتى تتصلين فيني واجيك..أبيك ترتاحين..بس أرجوك لا تطولين علي..أنا محتاجك..
-ان شاء الله ..
وقف..ووقفت معاه..مشى خطوتين ووقف..
-هديل..
-عيونها..
-أرجوك..والله محتاج..مافيني حياة..
عرفت ايش يقصد..رغم الهدنه الي حددناها ..لكن رحمته..حنيت عليه..حسيت انه طفلي الي ماولدته محتاج حضني..
هزيت راسي اني موافقه..
رجع لي على طول وحضني بقوووه..اااااااه يااااربي..بيذبحني هالانسان..نبضاتنا زادت..من زماان حبيبي عن حضنك الصادق..بدأ يبكي..دموعه زلزلتني..دموعه قطعت اخر قناع كبرياء لبسته..بكيت معاه..ااه مااصعب فراقك..وما أصعب قربك..قلي حبيبي..أي واحد فيهم اختار..؟!!
ابعد عنك...والا اجيك وانت مع غيري..
-هديـ ـ ـل..بشتـ ـ ـاق لـ ـك..
حضنته اكثر..كان امنيتي وقتها اني ادخله بين ضلوعي..هناك بيكون في امان..مافي احد معانا..
بكيت في حضنه ..بكاء المسجون بذنب غيره..بكاء الزوجة الي تهدي زوجها لغيرها ومابيدها شي تحافظ عليه..
ااااااه ياربي ..وين الاقي الصبر ويــــــــــــن؟!!
حبيبي صدره يشهق..ومع كل شهقه يقطع شرايني..روحي تتقطع مع انفاسه..
ابي اموت بهالحضن..!!
محتاجته يضمني طول العمر..ماابيه يروح لغيري ..ماابيـــــــــــــــه يروح لغيـــــــري
.
.
كانت تقرأ مجله..بعد دقايق تركتها وسألتني..
-هديل..
-هلا..
-ايش فيك..؟!!
-انا ..مافيني شي..؟!!
-تضحكين على مين..هديل الكل حاس ان بينك انت وسلطان شي..
-روان الله يرضى عليك انت طفله وماتدرين عن شي..
-طفله في عينك..دخلت الــ19 وانت تقولين طفله
-هههههههههههه حتى لو كبرت تضلين ماتفهمين شي..
-لا من جد ياهديل انا دخلت اليوم على امي وابوي وهم يتكلمون فيك..والله ياهديل الكل قلقان عليك..انا طفله مايخالف..بس ايش تفسرين زيارتك المفاجأه ..وسرحانك..
والا دموعك بعد ماراح سي العمده..
ذهلتني روان بكلامها..يعني الكل حاس ان في شي..
.
.
بكيت في حضن امي ساعه او اكثر..بعد ماشكيت لها همي..
شاركتني امي وخواتي الدموع..ابوي كان يسترجع..ويصبرني بكلماته الثابته الي تربيت عليها من انا طفله..اخواني في البدايه ثاروا..والي يتوعد ..والي يحلف اني ماارجع له..لكن كلمات ابوي بعد مااخذني في حضنه هدت الكل..وانا اولهم..
.بعد ماحطيت راسي على المخدة..انهدم سد الذكريات علي..تذكرت وانا على فراشي في بيت اهلي أول ماخطبني سلطان..
اااااه من الذكريات..مرت علي وغرقت في امواجها..حسيت بصداع رهيب من كثر مابكيت اليوم في حضن امي..يا حبيبتي يايمه..تصبرني وهي تتألم..
يا حبيبتي يايمه..احس قلبها بيتوقف من الخوف علي..ومع كذا تصبرني..
لما جيت هنا عند اهلي حسيت ان في احد اشكي له همي واحزاني..حسيتهم شاركوني دموعي واهاتي..
الله لا يحرمني منهم..فعلا انا الحين بحاجتهم..بحاجة الطاقة الي ترجعني لسلطان وانا أقوى..
ترجعني للحياة الي بعيشها لوحدي..انا خايفه سلطان يلتهي بزوجته وعياله وينساني..اااااااه خايفه ينساني..
على الاقل ياليت اهلي هنا معاي بالرياض..كان يواسوني باليوم الي بأجلس فيه لوحدي..
.
.
صحيت الفجر وتوضيت وصليت..وانا راجعه انام ناظرت جوالي كان في new messag
فتحته..(هديل..وصلت البيت من الساعه 10 وللحين مو جايني نوم..تعودت على حضنك..موحش البيت بعدك..والله مقبره)
انقبض قلبي على حبيبي..وعلى طول اتصلت فيه..
بعد اول رنه
-والله حرام الي يصير فيني..من لي بعدك..
-حبيبي..
-عيونه وقلبه وروحه..هديل وحشتيني..وربي مو قادر انا وين اروح بعدك..
-خلاص سلطان ..الله يخليك حاول تنام ..صارلك كم يوم ماتنام..
-حسيتي فيني.؟!
-شلون مااحس فيك..انت قلبي..
-طيب هديل ايش الحل..ابي شي يحل لي الدوامه الي اعيشها..
.
.
مرت الأيام ثقيلة..صعبة علي..وأنا أحسب كم باقي يوم ويتزوج حبيبي..لكن الي خفف علي وجودي عند أهلي الي ماكانوا يتركوني لوحدي أبدا
وكل يوم يطلعوني علشان أغير جو..سلطان كل يوم يكلمني..ويشكيلي حاله..وانا حيل اشتقت له..
بعد كل مكالمه لازم ابكي ..أبكيه حبيب بعيد..ابكيه زوج بأفقده..أبكي ذاك الطفل الي انتظره..ابكي عمري الـ26 الي انرسمت نهايته من الحين..
كل يوم يمر علي اعتبره يقربني لنهايتي ..رفضت ارجع قبل زواجه..انا محتاجه اهلي يوم زواجه..
اااااه يايوم زواجه..
ااااااه ياذاك اليوم شلون بتحمله..
.
.
قبل زواجه بيوم كنت احس ببروده في اطرافي..وحراره في باقي جسمي..احس جسمي متكسر..
بديت امرض..حاولت اقاوم بالمسكنات والزنجبيل والليمون الي امي تسويه لي..لكن مافي فايده..احس كل ساعه تمر علي..تتعبني اكثر..
حاولوا اهلي اروح للمستشفى بس رفضت..
كل شوي اقول ان شاء الله اتحسن..اخوي الصغير جلس جنبي يبكي..
- انا عارف انه السبب..الله لا يوفقه..
- سامي ..حرام تدعي على واحد مسلم..بعدين انا دائما كذا امرض..
ملامحه كانت تكذبني..ماحسيت بنفسي الا وانا نايمه..
صحيت على صوت الجوال..
قمت بتثاقل ..حاولت اقوم اجيبه بس ماقدرت..
-روان ..روان..اعطيني الجوال..
ناظرت زين كان فراشها فاضي..شكلهم لسى صاحيين..وقف الاتصال..
رجعت رميت نفسي على الفراش..
وانا احس نفسي بمووووووت..ماني قادره حتى اتنفس..شي جاثم على صدر بيقتلني..يارب ساعدني..
اللهم اني ابرأ من حولي وقوتي واستعين بحولك وقوتك فإنه لا حول ولاقوة لي الا بك..
غمضت عيوني..كانت تدمع..ماادري من الالم الي احس فيه بجسمي..والا الالم الي بقلبي..
سمعت وقتها احد فتح الباب..
كانت امي..حطت ايدها على جبيني
-يمه هديل..زوجك على الخط..
فتحت عيوني..كان في ايدها جوال ابوي..
-سلطان..
-ايه يمه ..تقدرين تكلمينه والا لا..
-لا يمه اقدر..اعطيني اياه..
اخذت الجوال منها بصعوبه وهي طلعت وسكرت الباب..
-هلا..
-هديل ايش فيك..حبيبتي ليه ماقلتي انك تعبانه..
-لا تعب بسيط..
- والله صوتك منتهي ..فديتك ليته فيني ولا فيك..
-لا حبيبي سلامتك..
كلمني شوي وقفلت لاني ماكنت اقدر اكمل..
.
.
يوم زواجه بعد العصر فقدت وعيي ..وما صحيت الا بالمستشفى..
كان عندي حمى ..وانخفض علي الضغط..
امي ماسكه ايدي وايدي الثانيه فيها مغذيه..
كانت تبكي..وابوي يسكتها..أنا لحظتها تذكرت ان اليوم يوم زواجه..حسيت قلبي انقبض..
اليوم ينتقل حبيبي لبيت مو بيتي..لفراش مو فراشي..لأنثى مو أنا..
ااااااااه ياربي ..الصبر ..يارب الصبر..
كتب لي الدكتور تنويم حتى تستقر حالتي..
بعدها قررت امي تجلس معاي بس أنا رفضت..أنا كبيره ومايحتاج..
طلعوا اهلي من المستشفى..وبقيت وحيـــــــــده..وزوجي اليوم بيضيع مني..غمضت عيوني..تخيلت لو اني على هالفراش بعد ولادتي..
يااااااااااه..كان اشياء كثير بتتغير..كان عطشي للأمومة ارتوى..كان زوجي جنبي الحين..
حاولت أنام ماقدرت..حاولت ابعد افكاري ماقدرت..
ماقدرت..
ااااااه من العجز الي يقيدك حد الموت..
الحين الساعة 9..سلطان..ايش تسوي الحين..؟!!
سلطان..أنت سبب مرضي..وأنت علاجي..
ويــــــــنك..حبيبي..ويـــــــــنك..؟!!
.
.
الساعة 12 تقريبا..دق جوالي..رفعته..(الحب..سلطان) يتصل بك
ايدي ارتجفت..ماقدرت ارد..لساني انعقد..يتصل علي بيوم زواجه..؟!!
والله حسيت في البدايه اني اتحلم..أو أن المرض أثر فيني..
جلس يدق فترة بعدين رديت..
جلست ساكته..
-هديل..!!
-ايـ ـ ـه..
-حبيبتي..كيفك الحين..؟!!
اااااااااااه سلطان وتسأل ..بالله شلون بيكون حالي بهاليوم..ايش تتوقع..
- الحمد لله..
- اليوم احسن..؟!!
- ان شاء الله..انت حبيبي شلونك..
- انا ياهديل مشتاقلك..حتى يوم زواجي والله ماله طعم وانا عايش من دونك..
- هديل ممكن اطلبك ولا ترديني..
- عيوني لك..من متى وانا ارد لك طلب..
- ما ابيك تفكرين فيني اليوم الله يخليك..اشغلي نفسك مع اهلك واخوانك..
هنا خنقتني العبرة..وبكيت..
-أنـ ـا بالمستـ ـ ـشفى ياسـ ـلطان
-ايش فيييييييييك؟!!
-تعباااانه والله فوق طاقتي الي يصير..
-فديتك ياربي فيني ولا فيك..حبيبتي انتظريني بكرة بجيك..
-من جدك ياسلطان..؟!
-أي والله بقول انك تعبانه ..ماهي اغلى منك..
-لا ياسلطان..والله لو جيت ما أخليك تشوفني..
-لــــــــــيه..؟!!
- انا لو بوافق ماكان خليتك تتزوج من اول..مهما كان هي انسانه ..وانا استودعت ربي حياتي وما بيضيعني..
.
.
يتبع ،،