غايته شباب بنروح تايلند

[عيون البشر]

بيت صغير
فاتورة الكهرباء معلقه في باب البيت، وفيها انذار بقطع الكهرباء.
طفل ف البيت يسأل أمه : ماه ايش غدانا اليوم
الام ترد: ما اعرف موه اسوي، ماشي في الثلاجه،

الاب جالس مع ربعه في الدوام يخطط لسفره جديده.

********

الجميع على الغداء، الام والاب والابناء الصغار.

الام: اقولك ابو احمد، ترا الفاتورة مال الكهرباء جايه وفيها انذار، ترا بيقطعوها الكهرباء.

الاب: وش تبيني اسوي كله منك انتي واولادك، المكيف ما تبندوه.

الام: ود الحلال انت ما دفعت من ثلاث شهور، كله تقول ما معك،. وبعد ماشي في المطبخ شي... وانت ما تجيب شي.



الاب: موه اكذب عليك انا، ( يقوم من فوق الغداء، ويلعن الام،)

******

الاولاد والام يبكون، من حالة الاب المتنمر

الاب ينادي بقوه: وينك تعالي، خذي هذي خمسين ريال دفعي الكهرباء وخذي اغراض حال البيت، انا بسير تايلند اسبوعين.

الام: الله يهديك احنا هلكانين وانت رايح تايلند، اولادك يبغو حد يدير باله عليهم، وانت ما جالس وانا ما قادره عليهم.

الاب: اووووه بس من هالسوالف اللي ما تخلص، انا طالع

الام في ايدها المبلغ وفي عينها دمعه تقول: يارب يسر لي امري.





حالات عديده من الرجال الذين يهملون عوائلهم لاغراضهم الشخصيه ولرغباتهم واهوائهم،
ويقضون معظم اعمارهم في ملذاتهم

كل اموالهم لملذاتهم واولادهم يقتاتون على فتات الراتب

[إكليل الورد]

السلام عليكم

والله كلن في ملاذاته يدور... صح فيه عوائل تعيش هالعيشه
الرجال الا هو عميد البيت تارك بيته وعائلته ويدور راحته خارج بيته
وتارك كل مسؤليه البيت ع عاتق الحرمه.. ابصراحه مو رجال هذا ولا يستاهل يكون اب ولا زوج
الله يعين كل حرمه ربي بلاها بزوج نفس هالصفات

["الرديــVipــني"]

مثل هالناس لو تلقاهم ميتين لاتساعدهم.. دايما تحصل معنا.. ان يجيك شخص ماعنده شي.. يريد يوصل اولاده المستشفى وماعنده ريالين ح بترول.. وفجأة تسمع عنه رايح شي من دول شرق آسيا.. واذا تنصحه قالك اسمع خالي يقولك اصرف مافي الجيب يأتيك مافي الغيب..

ترييشة يومين وتفليسة شهر والدنيا ماشيه

[wafa.7]

والله وايد هالناس

ماعندنا ماعندنا

وفجأة سفره تايم ..!!!

[يحيائي10]

غريبه فعلا ...
زوج يسافر مع ربعه يتمتع ويلهو بسفرياته بينما هناك زوجته تعاني هي واولادها في بيتها
اي من قلب هذا الذي يحمله ذلك الزوج ؟؟ الاا يحس بزوجته بل باولاده
انه اناني بمنى الكلمة

[مائة بيسة]

اي وحدة تعاني من شخص متخلف وماظاملنها تروح تشتكي عليه
وتشوفه بيتأدب وبيصلح من حاله او ولا...لاتكوني الزوجة الضعيفة وتبكي والاستاذ رايح يتمشى وانتي تدوري اكل لعشان اولاده والناس تأكل وجهك.
شو فائدة لقب متزوجة وانتي كله تعاني.
ذكرتيني بوحدة معاها اولاد عاد طولها زوجها
ماراضي يطلع الليسن يقول اونه اللي يطلع الليسن تووووووت
المهم متبهدله معاه وكل حياتها هم وغم وحياتهم للأسواء
تو شو مصبرك ع هالافة ياانسانة...

[wafa.7]

اي وحدة تعاني من شخص متخلف وماظاملنها تروح تشتكي عليه
وتشوفه بيتأدب وبيصلح من حاله او ولا...لاتكوني الزوجة الضعيفة وتبكي والاستاذ رايح يتمشى وانتي تدوري اكل لعشان اولاده والناس تأكل وجهك.
شو فائدة لقب متزوجة وانتي كله تعاني.
ذكرتيني بوحدة معاها اولاد عاد طولها زوجها
ماراضي يطلع الليسن يقول اونه اللي يطلع الليسن تووووووت
المهم متبهدله معاه وكل حياتها هم وغم وحياتهم للأسواء
تو شو مصبرك ع هالافة ياانسانة...

اذا قصدك تشتكي بالمحكمه

خل هالشي اخر الحلول

تحاول معاه باي طريقة مو طوالي تشتكي للمحكمه


عندها اهلها اهله ..

[مائة بيسة]

اذا قصدك تشتكي بالمحكمه

خل هالشي اخر الحلول

تحاول معاه باي طريقة مو طوالي تشتكي للمحكمه


عندها اهلها اهله ..

اذا البنت تعبت تروح عند اهلها وخبروها ماعندنا بنت تتطلق...
اذا الاهل مايوقفوا معك وتحسي بالظلم ومو متحملة اشتكي عليه خليه يتأدب ويحس ع نفسه

[سحابة ممطرة]

فعلاااا كثرين من هم بهذه الشاكلة
شقيقين صررراحة ما عندهم المااااده
وبعدهم دمرين يسااافرواااا نعم قلة العقل مصيييبة

الله يهديهم ويصلحهم

[جميلة الملامح]

اعان الله من ابتليت بمثل هذا!!!!.......