((((( كل عام وقلبك الجاحد بخير )))))

[نسر البوادي]

كل عام وقلبك الجاحد بخير
وكل عام وفالنا طول الهجر
لو يمر العام دونك وش يصير
منته أول ياحبيبي من غدر
في زمنا اللي على طبعك كثير
الخيانه جرمها زاد وكثر
يابصير ٍ ما يعدونك بصير
تمشي أعمى حتى لو تملك بصر
كيف ترسل لي أحبك ياخطير ..!
وقبلي مرسلها على خمسة عشر ؟
عايش ٍ وقتك بدون أيّه ضمير
متعب ركابك ورى طعن الظهر
إمتهنت الكذب وأصبح لك عشير
ما دخل قلبك ولا ذرة طهر
حية ٍ رقطاء وملمسها حرير
تفترس كل من تواجه و بحذر ..!
إن نسبتك للأنوثه مايصير
صعب تصنيفك بعد ضمن البشر
جاك مرسولي على هيئة نذير
تهنئه مدفونة ٍ وسط الشعر
مع ورود ٍ تفتقد روح العبير
ماقدر وردي يفوح لك بعطر
حتى لو خاطرك من بعدي كسير
يستحق الكسر أول من كسر
الوفا غرس النخل والحب بير
والصراحه تعتبر طلع الثمر
والكذب لو يختفي حبله قصير
والهوى الغدار ماحوله عذر
أختصرها لك وأجيب من الأخير ؟
قلبي من يمك ترى أصبح حجر
كل عام انا بدونك بالف خير
أبعدي قربك ترى ضيقة صدر

[ثابت الخطى]

الله الله الله ما غريب عليك هذا الأبداع والتالق اخى نسر
لك ودى
دمت بخير

[أميرة الروح]

نص واختيار رائع جدا
يعطيك العافيه عالانتقاء
بارك الله فيك
(يستحق ان يتوج بالنجوم)

[مرتاح ويتصنع قلبي الراحة]

نسر البوادي
كلمات مفعمة بالاحاسيس
متدفقة المشاعر
غارقة في العاطفة
كم انت مبدع
عندما تترجم حديث القلب
في قالب شعري جميل وممتع

[جميلة الملامح]

اخي نسر

ابدعت في الانتقاء
شكرا لذائقتك الراقية

راقت لي وبشدة

[رايق البال]

هلا نسر..
نص واختيار كالعاده ولا اجمل
الف شكر لجهدك وتفاعلك الرائع
طابت مساءاتك ..

[اطياف السراب]

نص رائع جدا

شكراً جزيلا لك

[نسر البوادي]

ثابت تسلم يغالي مرورك الطر اسعدني كلك ذوووق

[نسر البوادي]

تسلمين اختي اميره الروح مرورك العطر اسعدني
شاكرا لك تزيينك الطرح بالنجوم الخمس
كلك ذوووق

[نسر البوادي]

مرتاح يعططيك الف عافيه على مرورك الراقي اخي سعدت به كلك ذوووق