المشاركة الأصلية كتبت بواسطة محمد العمران
حي الصديق اللي غلاه إرتفع سيق( 1)
دامه عنى يبشر على ما جا بطيّه
الودّ ساق الشعر للعمران سيق
في سبلة( ن) خلت صدى الأشعار حيّه
فيها إلتقينا بصاحب ونعم الصديق
يا خير ما جادت و يا خير العطيّه
أصوغ للعمران أشعار( ن) تليق
قد صغتها وآجيب للغالي الطريّه
من قال أن الزهر يا تينا بضيق
يغنيك عن عطره ملامسه النديّه
أن لاق عنك يا محمد لا تليق( 2)
الصد طبع الغيد محسنها سجيّه
حذراك ياللي جاك (ع) الجاهز شفيق
إنته تجيب الصيد حاشى تكون زيّه
إن نامت الأشواق ردّت تستفيق
حنّت على من لا درى حن المطيّه
المــاي للــظامي وما هـو للـغريــق
محتاج يد ما كنت محتاج( ن) لميّه
إن كان تبغى للهوى أحس طريق
من بابه اللي يطرقه حب( ن) ونيّه
(1) سيق ،،من قرى الجبل الأخضر ،وجاءت
كناية للعلو والرفعة..
(2) لا تليق.. بمعنى لا تتوقف
رد مع اقتباس