من ورى الليل صبح ومن ورى الصبح ليل..!
يـا حميـد المعـانـي خلَـنـا نبـتـدي..!*
طرفك اللي رحل بـي لآخـر المستحيـل..!
مال ظلَـه ل/عينـي وانثنـت فـي يـدي..!*
ثمرتينـه وهبّـت مـع صبـاك العليـل..!
عبرة ٍ تنطـق اللْهفـه بحـرف ابجـدْي..!*
وانت ساكت وعمرك فـي يدينـي قليـل..!
ما رضيـت الكـلام ولا عتْقـت اجْسـدي..!*
كان مالك بعمـري غيـر درب الرحيـل..!
النهايـه بدايـه ل/ الشقـى السَـرمـدي..!*
قلّ ولو كـان قولـك دمعتيـن وعويـل..!
جرح عمري تطمَن وسط صـدري مِـدْي..!*
قلَ ولو كان موتي مـن كلامـك حصيـل..!
نزعـة الـرَوح فينـي سابقـه موْلـدي..!*
قلَ ولـو كـان حظَـي بالعطايـا بخيـل..!
ما تمنّيـت حاجـه واقبلـت بـ/سْعـدي..!*
قلَ ولو ما كِتب لـي فـي ظلالـك مقيـل..!
يابس الرَيق ولْضـوح السـراب آعـدْي..!*
قلَ ولو مـا بقـى لـي فالليالـي خليـل..!
من يواسي عيونـي غيـر نجـمْ الجـدْي..!*
مقتفينـي سـواد الليـل وانـت النزيـل..!
كل ما اجتـاح سـوَاح السَهـر مرْقـدي..!*
ارقب العمر من رجـم الامانـي وآخيـل..!
من ورى الصبر بـرقٍ بالوعـود يحْـدي..!*
مال هتّان حظّـي فـوق قاعـي مسيـل..!
عشبة الحلـم ماتـت بالظّمـا الجرْهـدي..!*
لا تظّن ل/ شتاتـي فـي سكاتـك بديـل..!
غير تعبيـر رجفـة دمعتـك مـع يـدي..!*
صوتك*الريـح*وضلـوع*الحنايـا*نخيـل..!
كل ما همهمت طـاح التمـر ب/ جْهـدي..!*
من تعـادت بصـدري لـ التعابير "خيـل"..!
وانت وجهـه حـروفٍ حرّمـت تهتـدْي..!*
غير قبلة ضياك وفـي لحـون الصَهيـل..!
جاتك تدّك فكـري فـوق نزفـي عَـدْي..!*
لين فاحت دلالـي مـن ملامحـك هيـل..!
مختزلـهـا واوّرث حبّـهـا ل/ ولْــدي..!*
كل طـاري يمـرّ العقـل عابـر سبيـل..!
غيـر طاريـك ل الغربـه بوسْـط بْلـدي..!*
حلَ صبحك وانا مالي ورى الصبـح ليـل..!
لا تخفّي ضياعـي تحـت ضـمّ اجْسـدي..!*
من سوالـف ملامحـك الحزينـه دليـل..!
ينطقه صوت جرح ٍ طـول عمـره نِـدي..!*
لو سمعت بخفوقي صوت[ تكفـى قتيـل ]..!
لا تهمّـك مـدام إن الشـقـى مبـتـدْي..!*
شدّ حيل*الحنايـا*مـا بقى فـيك حيـل..!
واعتق الحكي واترك جمْرتك لـ/ بْـردي..!*
لا تخاف انجرح لا قلت : حـان الرحيـل..!
والله ان جرح عمري قبل اعرفـك مِـدْي..!
