تأخر مواعيد المستشفيات

[سهل الباطن]

اشكرك اخي سهل الباطن ع طرحك الجميل
معاناة المستشفيات لدينا في السلطنه مشكله كائده ولا اتوقع لها حلول الإ بأعادة الهيكل التنظيمي بأكمله في وزارة الصحه كثير ما نعاني من بعد المواعيد في الاشعه وخاصه ( الامراي) تاخذ بعض المواعيد من 6 اشهر الى سنه وهالشي غير منطقي والحالات المستعجله تاخذ صحيح فترات بسيطه ولكن من يعلم ان الحاله التي تعطى 6 شهور ان يتفاقم المرض ويزداد لا اتوقع الاطباء معنا ذوو كفاءه عاليه لأكتشاف نوع المرض بأنه حاله مستعجله من حاله اخرى غير مستعجله
حتى اجهزة الاشعه لديهم في المستشفيات قامت بالتبرع لهم شركات كشركة نفط عمان وغيرها أين الوزاره من هذا كله اليست مسؤله هيه عن اجهزتها وكادرها الطبي وما توفره للمرضى لدينا في السلطنه
الحلول الانسب هيه السفر خارج السلطنه لما يوفره لك من علاج مناسب ورعايه صحيح انه الواحد بيخسر مخاسير باهضه ولكن لصحته هوه وجميع من حوله .. وللأسف الشديد المسؤلين لدينا في السلطنه بجميع مناصبهم لا يتعالجون في السلطنه لو المسؤل فيه مرض بسيط اقرب طايره والى احدى الدول لتلقي العلاج هوه وحاشيته ولا يهتمون لامور المواطن ومعاناته التي يعاني منها في مقاصب السلطنه ومجازرها ولا اسميها مستشفيات للأسف الشديد لاننا ذقنا الويل بين ايديهم

تحياتي لكم

اشكرك اخي وهنأ تكمن المشكله يقولك عشان اشخص مرضك لازم اعمل الاشعه الفلانيه وعشان تاخذ الاشعه هذي يكون تمسك طابور ظ¦شهور اقل شيء بالرغم من زيادة المراكز الصحيه يعني المادية موجودة لزيادة الأجهزة الطبية وايضا المعاهد شغاله لتخريج الكادر الطبي . اتوقع المشكلة في الإدارة او قلة المستشفيات التخصصية

[شمس الداخليه]

مساء الخيرات للجميع
المشكله كبيره ووجب تدخل أصحاب القرار فيها
أعتقد أن قلة المستشفيات التخصصيه وتمركز الخدمات في مستشفيات محافظة مسقط مثل السلطاني والجامعه وخوله والنهصه هو السبب
ما زلنا بحاجه لتوسع الخدمات الطبيه ومحاولة تقسيمها بنفس الجوده على مستشفيات السلطنه
شخصيا انتظر موعدي عمليه في احد المستشفيات التخصصيه كانت مراجعتي شهر 4 وتم تحديد العمليه شهر 12 لله الأمر من قبل ومن بعد
والمستشفيات الخاصه تجاريه وتشخيصهم غير أمن بعض الأحيان

[شاهين هزاع]

اشكرك اخي وهنأ تكمن المشكله يقولك عشان اشخص مرضك لازم اعمل الاشعه الفلانيه وعشان تاخذ الاشعه هذي يكون تمسك طابور ظ¦شهور اقل شيء بالرغم من زيادة المراكز الصحيه يعني المادية موجودة لزيادة الأجهزة الطبية وايضا المعاهد شغاله لتخريج الكادر الطبي . اتوقع المشكلة في الإدارة او قلة المستشفيات التخصصية

ف الاساس أجهزت وزارة الصحه متبرعه لهم شركات بها كيف تريدها تترقع ذي الوزاره
والمستشفيات مضى عليها دهر وهيه قديمه كيف تريدها تتطور

[سهل الباطن]

تأخير المواعيد بسبب قلة الاجهزة الطبيبة وقلة الكادر الطبي..
والواسطة تلعب دور في تقديم والتلاعب بالمواعيد.
اشجع العيادات الخاصة تستقبل بإبتسامة واسلوب طيب ويهتموا فيك
عكس المستشفيات الحكومية ( البعض) شوي ويصفعك وكل ماتبي
تشرح له شو من الالم اللي فيك يسكتك ويقولك هذا بعد شي يستحق
حد يجي المستشفى او يصرف لك ادول واخوه الامول ومن هالشلة.

هو ما اعرف بالضبط هل لهذه الأجهزة مثلا عمر افتراضي او سعة معينه او انها شغاله على طول عشان ما نظلمهم في تاخيرهم او ان الكادر الطبي قليل . لما اكلمهم بصراحة اكثر من مرة يعطوني أسباب مقنعه بعض الشي فالأمر يرجع لإدارة هذه المستشفيات والوزارة الموقرة
بالنسبه للمستشفيات الخاصه هذي لها وعليها وجربناها كم مره لكن إيجابياتها من ناحية التنظيم والسرعة احسن

[سهل الباطن]

السلام عليكم
المواعيد طويلة المدى بالمستشفيات الحكومية معضله
لكن الحل في خلخلت الروتين وتغييره
واعادة هيكلة الطاقم الطبيبي
وزيادة اعدادهم
وافتتاح مستشفيات ومستوصفات
في المناطق ذات الكثافه
السكانية العاليه

المواعيد الطويله سببها كثرة الكثافة السكانية وكثرة التحويلات من المستشفيات الصغيره وايضا كثرة الحالات الطارئة وسعة المستشفيات القليلة

[سهل الباطن]

نكتفي بهذا القدر من التثبيت على أمل اللقاء بكم في قضية صحية اخرى

[سهل الباطن]

ف الاساس أجهزت وزارة الصحه متبرعه لهم شركات بها كيف تريدها تترقع ذي الوزاره
والمستشفيات مضى عليها دهر وهيه قديمه كيف تريدها تتطور

مرتين اروح المركز الطبي عشان اشعة ويقولوا لي الجهاز خربان

[ابوقيس99]

المواعيد الطويلة لايمكن ان تتغير
طالما هناك واسطات وقصور في الانظمه