سججل حضوركـ بـ " بيتـ شعري " على ذوقكـ :/

[أميرة الروح]

لو ظروف الوقت طالت واجرحتنا
ما يقصـرها العتب ليلة رجـوعــي

ســو كل اللي تشـوف بـ مصلحتنا
لا تردك عــن مـفارقـنــا دموعــي

[آسية]

قلوب بعض البشر مرضى وفيها بلى
يجمعون الهروج العوج من كل صوب

ياللي صنعت الجهاز اللي يغسل الكلى
ليتك صنعت الجهاز اللي يغسل القلوب

[آسية]

انا مع الطيّب الوافي على مايبيـه
اطيب واوفي معه من طيبه ومن وفاه

حتى الردي لاتردى ماترديت فيـه
عليّ من طيب راسي ماعلي من رداه

[آسية]

الله يبيض وجه الأيام والضيق
زالت قناع أهل الوجيه القبيحة

أثر الشدايد فلتره للمخاليق
تـظهر لك المترديـة والنطيحـة

[آسية]

أعمارنا تقصر لو الدنيا تطول
والموت ، لايمكن تعدي ساعته !

مشغول فالدنيا واعاتبها واقول
الله لا يشغلني .. الا بطاعته

[آسية]

ليه ساكت ؟ و الحنين يهب برده
وانت صوتك يارهين البال دافي

طاح من غصن الغلا والحب ورده
لا يطيح الغصن طاح الورد كافي !

[آسية]

ياللي تظن انك عن احساسي بعيد ،
مـابہ مكـان بداخلـي ،،، مـا تمـرهہ ♡”

[آسية]

يا راقي الذوق لك في خاطري صورة
بروازها من غرام و ذوقها راقي

عن نظرة الناس ممنوعة ومحظورة
محصورةٍ ف الضلوع و داخل أعماقي

[أميرة الروح]

‏سود الليالي .. علمتني حاجتين
‏إن الحياة دروس والعيشة كفاح
‏
‏إن حاربوني بالنجاح الساقطين
‏أقول حرب الساقطين اكبر نجاح !

[أميرة الروح]

‏عيش الحياه وعيشها كيف ماجات
تكسب رضـا نفـسـك ويرتاح بـالك
'
لاصـار ماهـي دايـمـه لك سهالات
اخـسـر ولا تخسـر رفيـقٍ صفـالك ​