أحيان .. أحس انّي .. حدودي هي الماء
و احيان ..القى في ترابي حدودي
و احيان .. يجمعني معي الحاء و الباء
و احيان .. أنساني و احس بوجودي
و احيان .. اعلّق كل حظّي على الياء
يا رب .. كلمه تحتويني فسجودي
و احيان .. اكون النون و الهاء و الراء
و اترك ضفافي يرتوي به حسودي
و احيان .. أقرا فيني الكاف و الفاء
و القى بكفّي كل بخلي و جودي
و احيان ..اصير العين و الباء و الثاء
أنا العبث ..لا صار مجنون "مودي"
و احيان .. اخاف الميم و الواو و التاء
مع إن موتي فيه أسمى صعودي
و احيان اكون اشياء و اشياء و اشياء*
أنا ردود الفعل .. و فعلي ردودي*
عبداللطيف بن عبدالله بن عبداللطيف بن ابراهيم آل الشيخ
