“ امرأة بقَوام قصِيدة ❤".

[سَرمدية]

،



يا صديقي ستجدنِي أتسع لك، كُلما ضاقت بكْ الحياة
- مرآو -



أمس طالعيـن الأفنيوز المهم وآيد استغربتَ من موضه البنَآت اليديده
اونه لابسَه نقاب بس العبايه مفتوحه والبنطلون قَصير !!
سلامات حبتي ؟
ترا ريولش المفترض يغطَيّن مب ويهشَ
مااحيدها هالموضه من وينَ يايبينها

من شفتها تنرفزت وربي ".


+


يوم الجمعه كانت خطوبه بنت من صفنَآ
المهم استوت ربشه ف الجروب
وآخر شيء طلعت البنتَ من الجروب يحليلهَا .
اونهَ يعععع " فلآنه " !
وشكلش مستعيلهَ وأهلش يبون يفتكون منش وتخنبيقء وايد منه .
وبالرغم انه هالبنتَ يايبه نسبه فوق يعنيَ مب انها ما مهتمه بدراستها
ونفس الشيء مايلهن الحق عشان يتدخلن ف قرارهاَ
ويمكَن أهلها شافوها قادره تتحمل المسؤوليه وتشيل مسؤوليه بيت بالكَآمل !
مححد يعرفَ شو اللي خلاها توافق بس يعني عيب عليهَن والله
الكلام اللي قالنه لهَآ عيب ينقال ....


و نتبؤىانتسياسنسشششششششششسننسساسء

مع السلآمــه !

[سَرمدية]

ـ




سَلام .
‏"كُلّي بِكُلّك ممزوجٌ ومُتّصلُ، والنائباتُ التَّي تؤذِيك تُؤذيني".


زمان عن مدونتي !

المهُم وايد مشتاقه ألعي واسولف معيّ هنا
وكل شيء يتغيير ما يظل في حاله ههههههه مدري شدخل بس تذكرت شيء وحسيت صدق ان الوضع تغيير .

+ هاليومين وايد مهمات بالنسبه لي ويالسه ارتب لهن من أسبوعين
دعواتكُم ي رفاق : كل شيء يكون مثل ما ابا 💛.

[سَرمدية]

،



صباح الخِير '

الأسابيع الماضيه كنت احارب المدتيرمز ..
ياخ استغرب " الاختبارات تحدد مستوانا ولا مستوى شطاره الدكتور في تحريف وابتكار أسئله من الفضاء؟ " .
يعني في ماده نقصونا عشان ما كاتبين كلمه" تابع " وذي الكلمه ابدا ما مذكورة في الكتاب بس ليش؟ عشان نفرق بين السؤال لمن يقولك سبب او هدف (:

خخلاص ياخ متى تموت افكار وآراء الدكاتره يعني اذا وايدين يايبين درجات حلوه يعني الاختبار سهل ياخ شوف الجانب الثاني يمكن انتَ شرحك حلو وكذا !
فبلاش تسوولنا اختبارات من الفضاء وخلونا نييب درجات حلوه .

وبس واللهيّ ..

[سَرمدية]

سَلآمم ؛

يالسه افكر بـ كميه الغباء اللي فيّ واللي يالسه تزيد يوم بعد يوم !

وعاد انا اللي مضايقني إني اواسي وفالنهايه كله كذب ههههههه ، شكراً للي خبروني الحقيقه ولا كنت بيلس اواسيّ لين كم سنه قدام ..


المهم : اليوم غرت وايد وانا امشي في حديقة العلوم واشوف الكم الهائل من الخريجات 💛.


إن شاء الله بداية ل نجاح اكببر لهُم كلهم
وعقبالي ي رب !

[سَرمدية]

،



‏"صباح هادئ يلهمهُ برد الشتاء،
فاجعلهُ صباح خير يا الله".


اليوم ناشه نشيطَه وايييد وطبعاً لان امس أحلى الناسات زاروني ورمست رمستينّ و المفترض ما انش إلا الظهر بس من الفرح وكيذآ.

المهم لا تخلوا سرمد تفرح واييد لانها بتفصل وايد '
ع اساس سايره الحوش عشان أخوف عميّ وانا مدري انه يدوتيّ تمشيّ ف الحوش إلا انا اسمع احد يمشي واقفز فيها وتنصدم 😂😭😭. المهم هزبتني وقالت تبيين تقتلينيّ نزين انا احسبج عمي '


+

مب كنت حابه شكل السبله اليديد و البارحه عرفت من وين اردهّ مثل اول '


سوالف بيض .

[سَرمدية]

-



صباحكم ايشش !

زمان عن المدونه .
شوي نسولف ونخنبق بعيدا عن جو المذاكره والكد .

المهم :
أحيان يومك يستوي حلو لانك صادفت ناس طيبه صنعت ابتسامتك .

السالفه قديمه وايد يمكن من شهر وكذا بس كل ما اتذكرها ابتسم . المهم مره كنت طالعه انا و ربيعتي صوب الكلاس والدكتور يسجلك غياب ولو متأخر ٥ دقائق واحن نتريا باص يشلنا ، يا الباص الاول مسار الباص الثاني مسار الباص الثالث مسار قلت ح ربيعتي خلاص بركب ويدورني الجامعه كلها ولا نتأخر كذا 😩.
المهم يات الشيخة سرمد وتركب الباص
سائق الباص ل سرمد : وين ي عمو ؟
سرمد : الآداب
سائق الباص : ما نوديكم ي عمو - طبعا كلمته المشهوره عمو -
سرمد :نزينه ما شيء باصات " عكس المسار "
سائق الباص : احنه ما نباكم
سرمد : بعد ما فصلت وشوي واتصيح_ نزينه انا اباكم _
سائق الباص : يلا يلا ما نباكم مع ابتسامه ههههه
سرمد وشوي وتطلع من الباص تسمع : عمو امزح معك 😂🌚💔.

اوكيه عمو وكل بنات الباص يضحكن حسبي الله .
المهم ما قصر وودانا صوب الآداب بدون لا نلف الجامعه كلها 😂_رحمني شكله 🌚💔_ . ولمن نزلت يقولي ربي يسعدك عمو ضحكتيني هههه ... وايد اضحك انا اصلا بس صنع لي يومي مع ان كنت وايد مضغوطه وكل شيء فالحياة بس نفسيتي تغيرت .
صح الموقف سخيف بس ابتسم لا تلقائيا من اتذكره .


وبس واللهي يالسه اتهرب من المذاكره .
‏تصبحون ع خير ، وعسى التوفيق من فالّ الجميع💙

[سَرمدية]

_







لصاحبتها 💛💛.

[سَرمدية]

،



سالنور ،

المهم جداً كنت حابه سنه ٢٠١٩ بكل تفاصيلها والأشياء السيئه علمتني طبعاً .

مدري بشنو ابديّ 😂
الأشخاص اللي دخلوا حياتي في آخر فتره وايد ممتنه لَهم، صدق يعني مدري كيف اوصف شعوري لهم ☹️💛.
صح واستويت الأخت الكبرى للمره الخامسه ! وايد محظوظه فيني هالأخت ترا 😂❤ .
والأهم صديقتي اللي ظنيت فيها خير ما زالت صديقتي ☹️💛 .
وويت ياخ نسيت شو استوى معي ههههه
اييه صح معدلي بيّض ويهيّ وعسى هالفصل بعد مع إني ما مطمنَه .
ما خبرتكم ان كيف شخصيه سرمد وايد تغيرت للأفضل طبعا ، يعني من دخلت بيان الجامعه وياي وانا محد مثلي فرحان هههه شاركنا في اكثر من جماعه استوينا منظمين ل فعاليات وايد وايد تغيرت شخصيتي للأفضل ، ثقتي بنفسي زادت طورت مواهبيّ و ووو . سويت وايد انجازات واحسني جدا فخورة بنفسي .

صح ببعد نسيت اني تعرفت ع اطيب بنت صدق ياخي هالسنه الناس اللي تعرفت عليهم وايد حبوبين وطيبين 💛 .


الكلام وايد متلخبط بس كذا اللي طلع من القلب كتبتُه وفي اشياء ما تكتب هنا بس سنه ٢٠١٩ بتظل من اجمل السنوات 🕊🌿.


معسلامه .

[سَرمدية]

_






❤❤'

[سَرمدية]

_