في طفولتي
كنت كل ما اسوي شي
واتعاقب عليه
وطبعا العقاب الدائم كان من امي هههههه
تقول انتو ما جربتوها عصا ابوكم
الجيل الجديد يعني
القديم كان محصلها
نحن اللي جينا ف الاخير
الحمد لله كنا مرتاحيين من العصا
ولا اذكر ف حياتي انه ابوي ضربني مره
وامي يا كثر قرصاتها اللي تخلي الجلد يتحول للون البنفسجي المخضر
ف كانت كل ما تبا تضربني اصيح
اقولها بروح اخبر حبابوه
انك ضربتيني
وعلى طول اروح لباب البيت الخلفي
تقول والله اباك تتحركي خطوه شوفي اذا ما ضربتك
وطبعا اجلس ع الباب دقايق وبعدها اتراجع
وتنسى الماما سالفه الضرب
ولكن لما تضربني ما يردني شي والله
اروح يعني اروح حتى لو ساعه 2 الظهر
وطبعا امي بتحصل نصيبها
لانه جدي ما يحب حد يضربنا
الله يرحمه ويغفر له ..