رد مع اقتباس
هالشخص يكون ولد جيرانا
صار له حادث وصار مقعد
اللي اتذكره اني كنت ف الصيف من الصباح للمغرب انا عندهم
مع العلم ما عندهم اطفال ف البيت
بس كنت احب اروح عندهم
لاني كنت مدلله عندهم هههههه
امهم تحبني وانا احبها والله
لليوم ودوم تسال عني
ولدها بعد ما صار له الحادث
انتقل ف المجلس مجلسهم كان خارج البيت
ف كان لما يرجع من الدوام اروح له
يستقبلني بكل حب
وهو راجع من الدوام
اجلس له ع راسه
اتذكر بوقتها ف هذاك الزمن نادر احد معه كمبيوتر
وهو كان عنده واحد
من يرجع يفتحه لي عشان العب فيه
كل حاجه اريدها يجيبها لي
تجي امه تقولي تعالي داخل يمكن محمد بينام
يقولها لا ما بنام خليها ..
يا كثر ما سولفنا
يا كثر ما لعب معي
يا كثر ما ضحكنا مع بعض
وبيوم من الايام بعد المدرسه غيرت ملابسي وطيران لهم البيت
ما انسى هذاك اليوم ابدا
الزحمه وانا اسألهم عن محمد
محمد وين !!
يجيني اخوه يقولي تعالي محمد خلاص راح وما بيرجع
انا بكون لك محمد
انا بسوي لك كل شي يسويه لك محمد !
راح محمد
محمد مات
محمد صار مجرد ذكرى
الله يرحمه ويغفر له
والله يصبر قلب امه ..
