قبل امس قلت بخبركم القصة يا جماعة قمنا من وقت ساعة 8 وتجهزنا وتريقنا واكلنا ورحنا ع ساعة 9 ونص بيت سمر عشان تروح معنا الرحلة كانت تبعد المسافة تقريبا 3 ساعات المهم توكلنا على الله مشيت ساعتين الا أتفاجئ ان نحن رايحين المكان الغلط بس ذاك المكان حلو لكن مقطوع المهم رجعنا المكان الثاني الأصلي الي نبيه طلع يبعد 3 ساعات ورحنا ووصلنا المكان الطريق كله أشجار وجبال أمي تقول حق ابوي سوف انت قال أبداً راسي بيدور ما اعرف المهم جلسنا من الفضاوة نسمع الأغاني الغثث التي في السيارة قالت سمر لازم اشوف اسماء واناقشها عن ذوقها الخايس لانها في انحدار ههههه .. المهم وصلنا Wilsons Promontory National Park المكان المقصود جميل جدًا بس ما لقينا مكان لشوي اضطرينا نجلس بس 10 دقائق والبترول قل قلنا لازم نطلع ما نكمل هنا المهم طلعنا ندور على محطة نفط لقينا الأولى مغلقة عشان كرسمس كان في 25 December الثانية بعد مغلقة والثالثة والرابعة خلاص صابني احباط قلت اتصل بالشرطة تجيب لنا نفط او اشوف لنا فندق هنا ننام المهم بالصدفة شافنا مركز شرطة نزلت رحت عندهم وأخذت ابوي وخبرانهم قالي الشرطي نحن ما نساعد في ذا الأمر بس في شركة ممكن تساعدكم بس غالية قلت له طيب نحن ما نعرف شركات وجينا هنا لان عبالي الشرطة تساعد كل احد قالي الليت مال البترول متى فتح قلت له من شوي قال بروح اشوف لك محطة مفتوحة راح اتصل بالمحطات وقال في 2 في الجت ويه مفتوحات يبعد من هنا نص ساعة البترول بيكفي الحين ساعة 7 روحي فورا لانهم يغلقوا ساعة 8 .. في السيارة أمي تقول لسمر تأخروا روحي شوفيهم قالت سمر ما اعرف اخاف يسرقوك قالت أمي هنا يسرقوا بعد عيل لا تروحي يمكن سجنوهم هههه أمي مع تدعيلنا .. رجعنا السيارة عطاني اللوكيشن مطبوع وسويته في جوجل ورحنا واذا بنا نرى ع اليمين انه محطة النفط مغلقة كيف ما زعلنا وشويه سمر صرخت هذه المحطة طلعت ع اليسار رحنا والحمدلله سوينا فل ذاك اليوم ما اكلنا ولا شيء رجعنا ملبورن ساعة 9 ونص بالليل هههه من الصبح لليل بالسيارة عنوان الرحلة البحث عن محطة بترول ههههه .. طبعًا في الحديقة في مسار جبلي في نص المسار جايه سيارة ونحن رايحين أمي صرخت بقوة ربوووووعه رايحة فيه بتدعمينا انا الحمدلله ما من النوع الي يتنزق وما يعرف يتصرف أمي شايفة غلط انا ماسكة سيدي صح تخيلوا قلت لامي انا صح في طريقي وكل الي في السيارة منتزقين وجلسوا يضحكوا قال ابوي الحمدلله رابعة نبيه ولا متنا جالسة تصرخي عليها هههه .. كل مرة نفتح موضوع في السيارة وضحك ومن المواضيع اريد اروح تخييم وأبوي ما راضي وجالسة أقنعه انه استكشاف وحركات ولا ما ارجع عمان ابوي لما وافق أمي قالت مع انها موافقه انه نحن نخاف عليك أنتي مرة تمرضي قلت لها في كادر طبي قالت واذا شميتي ورود ولا رائحة تزكمي قلت لها عادي بس ترا انا جالسة اضبط ابوي مشكورة انك خربتي الرحلة والموافقة لان ابوي رد ايوا صح بتبردي وما بتتحملي قلت لهم انا اريد وانا ادفع آلثمن عاد أمي قالت لا ما قصدي بس أنتي ترا جسمك ضعيف بس عادي روحي اذا تقدري قلت لها بعد شو بعد ما خربتي علي كل شيء جلست تضحك اوين تقنع ابوي .. قلت لهم خلاص انا ما بشاوركم بسجل وبعدين اخبركم قال ابوي سجليني معك قلت له تم ههههه كله عشان ما اروح