نتاجات الشاعــــــــــــر (ابو قيس 99)

[اسطورة لن تتكرر]

الحب يتلف ياملا المخ÷÷÷ ويدعي صويبه في متاهات

والقلب يتوقف عن الضخ÷÷÷ مصيوب ماتفيده عيادات

لاهوب وسط اليوف يطبخ÷÷÷ يشوي عروقي الداخليات

ياونتي ونات منزخ÷÷÷ معقوق في سجنه سناوات

إبلا سبب مرماي في فخ÷÷÷ من دون سبه ودون زلات

باسباب لي. حبه ترسخ÷÷÷ راعي العيون البابليات

ياكم وسط القلب نوخ÷÷÷ أركاب من حبه اصيلات

ما من شراته حد ينسخ÷÷÷ مفنود ما بين الخوندات

حشيم مافي يوم لطخ÷÷÷ فيه الكلام والاشاعات

دمعي عليه يهل ويزخ÷÷÷ كلما ذكرت الوقت لي فات

أهواه لين الروح تنزخ÷÷÷ وابقى دفين العاطفيات

قميص حبه كيف بفسخ÷÷÷ ملبوس لين يوم الحسابات

[اسطورة لن تتكرر]

لي هاجسي والشعر غنا:::ونظمت من قلبي قصايد

بعيد الأضحى كل يهنا::: مبروك لك ياقابوس القايد

ياسيدي يفخربك وطنا::: وتعيش يا راعي العوايد

ياكم قاصد لك تعنا::: وتبدل بهمه سعايد

ماحد شراتك في زمنا::: ياكم لك فعل وشهايد

في خير ظلك سكنا::: في راحة واكثرمن سايد

بأرواحنا نفديك حنا::: ونحن جنودك في الشدايد

واجب وحق عمان منا::: نحميها من كل طامع وكايد


ويحفظك ياباني أملنا::: تبقى عسى للشعب قايد

وطلبت ربي وآتمنا:::يمد لك عمر ومدايد

[اسطورة لن تتكرر]

لي مادرى بالفن مرتاح=== الحب كله
ليعه وتجريح

ياكم صفقت الراح بالراح=== يوم الخلي في نومه مريح

عليك يابو عود مياح=== مر أون ومر أصيح

واللي رماني وقت مسراح=== نشح لي بقلبي تنشيح

بيني وبينه جبال وأبطاح=== ورمول ثم شارع وسيح

قم ثيبني ياسعيد بسلاح===يالغافري عن مابي يبيح

شف وذخر ماقول مزاح==÷ وابغي نصيحه منك بتصحيح

يعلك في خير ودوم مرتاح=== ونف المطر على دارك يطيح

يسقي الوطن وتفيض لبطاح=== جنوب وشمال ويشرب السيح

[اسطورة لن تتكرر]

سلام مني سلام وتحيه ----- جدواك يابيبرس بعثت السلامي

سلام ياراعي النخوة القويه --- اقبل تحياتي وكل احترامي

البارحه يوم الخوالي هنيه--- بالنوم ما غضت جفوني حرامي

لزيت صوبك وانت راعي حميه--- لك اشتكي من جرح بالقلب دامي

حالي براه الشوق وأثر عليه--- وركاب شوقي حول بيته حيامي

ألعي عليهم كل صباح وعشيه---شروات ماتلعي طيور الحمامي

ياكيف بصبر والمحبه بليه--- والصبر لو طول يزيد الهيامي

بغيت منك الراي عاجل شويه---يافاهم فن الشعر والقوامي

ماظنتي يرضيك لي صار فيه--- متعذب و محروم طيب المنامي

أضحك مع ربعي ونفسي شجيه--- ما حد درى عن علتي بالتمامي

خافي بقلبي كم طيبه خفيه --- ما يعلم بهاغير رب الانامي

وانته القاضي وهذا خيط القضيه---راضي بحكمك ولو يوصل عدامي

[اسطورة لن تتكرر]

برسلك ياطير الهوى مسعافي* ***بالعون توصل صوبهم وتلوفي

تنصى القمر لي بالسماء ينشافي* *** البدر لي نوره علينا وافي

في ديرة تبعد ولا تنلافي* *** لاهى قريب وآزورها وألوفي

غربي جبل حوران ياعرافي* ***وعالي شفا اليرموك لي معروفي

رف بجناح الشوق للاولافي* *** وسلم سلام الحب لي مرظوفي

من قلب بالوله ما عافي* *** ذكرى محبينه بها مشغوفي

لشقراء الجدايل لي عليها ظافي* *** ثوب العفاف وحسنها موصوفي

لا سلهمت لي بعينها ياكافي* *** سحر البريق بعينها آشوفي

هاذي مشاعر خاطري شفافي* *** عاشق مواريد الهوى ملهوفي