المشاركة الأصلية كتبت بواسطة فتاة الظاهرة
الله يرحم حبيبنا ابونا
و الحزن فالقلب اي والله ، لكن هذي الحياة و مدركين انه بنفقد الي اقرب من سيدنا لنفسنا !
الشيمة احس سوالف اجلوا اعراسكم و ما اعرف ايش ما تمشي
في اشياء ما بيد الشخص يسويها ، يعني الواحد قاتل نفسه و ديون مع فلان و علان والبنت حاجزه من غير القاعه او الخيمه آخر شي يكنسل العرس !!!
ماااا يستوي صدق يعني
زواج اخوي اليوم 7.2.2020 و ننتظر الصباح لتبدأ المراسم والله يديم فرحته ، هل هذا يعني انه والله ما هامنا سلطاننا او ما حازه فخاطرنا !!
اكيد لا ، لكن للضروره احكام بعد ، و ما يصير انتي تشوفي شي ما يناسبك و تقولي عنه (لا احترام ولا ادب) لان فعلا هذا ما له علاقه بالاحترام و الادب
شوفي لو هو مليونير افاا عليك (من عيووووني) بياجله ، اما واحد واقف على الحديده و دافع الي وراه و قدامه ، صععععععبه والله
و اوين ما يسووا ربشة و كذا نوب ما يصير ، يعني مو يعني عرس عاذره اذا محد بيفرح فيه ؟!!
عزيزتي يعني تخيلي عرسك
تدخلي لا زفه ولا ربشه ولا اخواتك كاشخات ولا امك و لا احد
انتي بس من الكل ، اي فرحه هذي؟؟
انا اختي عرسها تقول ندمانه سوته فتره وفاة شخص من العائلة ، فما كان ذاك العرس الي هوه يعني (سكاتي على قولتك)
ضيعت فرحه ما تتكرر ، و هذي تبقى في الخاطر من صدق !
و دائما الحي أبدى من الميت خيتو ، سلطاننا ما ينفعه اذا اجلنا العرس ولا سويناه
ينفعه انك تدعي له فكل صلاه و كل ما يمر على بالك ، و تتصدقي عنه و بس !
والله يرحمه و يرزقه دار و اهل احسن من الي فالدنيا ، علمنا و يسر لنا مجالات رزقنا و محد ينكر فضله الا اقل القوم اخلاقا
و تبقى وجهات نظر
رد مع اقتباس