^-^ شعورٌ يلامس نبضي °~° ®

[Raba]

تاريخ 28/1/2020 يوم الثلاثاء
التقيت المساء بالدكتور احمد ولأول مرة وجه لوجه بصراحة هذا الانسان انا ما اعتبره دكتور وشاعر هو صديق وله فضل كبير علي ما اقدر انساه كان جدا يساعدني ويوجهني ويوصف لي أدوية اخذهم من استراليا وتخيلوا اني ما عمري شفته بس يرسلي رسائل وأرسله التقارير بعدين اكتشفت انه يحب يتعرف على الناس ويحب يساعد الجميع عنده مواقف نبيلة مع عامة الناس ،، طبعا هو تخصص شيء ثاني كان طبيب عام الحين طبيب أخصائي ويريد يسوي زماله ان شاء الله ،، تقريبا الحوار كان عن خططي المستقبلية وعن أبحاثه وخططه المستقبلية ونرتب له الجدول ونعطيه حلول سريعة ما شاء الله إنسان كسول بس مبدع ،، طبعا انا اقدر هذه المقابلة كانت بعد الدوام الرسمي المنهك حبيت احتفظ فيها كذكرى جميلة اني شفت هذا الباحث والشاعر والانسان الرحيم قبل لا يكون دكتور بارز ،، الله يوفقه في قادم مسيرته المهنية والله يسهل له امور الدراسة ويوصل مراده .. فعلا الحياة بلا هدف لا طعم لها لازم الواحد يسعى فيها ويصير منه فايدة ،،

[Raba]

انا صرت أؤمن انه ما يحتاج اعرف الشخص من كل الجوانب ،، ما يحتاج أتعمق فيه ،، والاهم اني ما أتواصل معه بإستمرار عشان يعيش بنقاوه بعيد عن الضغط المجتمعي ،،
ما يحتاج أعاتب الناس الي ما تسأل ما هي مجبورة تسأل ،، ما انتظر رسائل من احد لاني ما انتظر احد ،،
اعيش مع نفسي الجميلة ،، بدون لا اكره احد او اثقل عليه ،،
في النهاية انا الله خلقني وحدي وبيحاسبني وحدي،، ما يحتاج أحاسب احد ولا احد يحاسبني وخير الكلام ما قل ودل ،، كونوا نسمة جميلة حينما تمر ،،

[Raba]

صباح المشاوير ،،
الكسل الي فيني أقوى من كسل الكسلان ههه

[Raba]

في غمرة الانشغالات نستفيق لأرواحنا ،،
بعيدين كل البعد عن الانتماء نخوض المعارك تباعا ،،
قساوة قلوبنا باتت ان لا تغفر الخطأ ،،
متمسكين بحنين وهمي يدعى الوطن ،،
ثم ان ليس هناك وطن بعدك ،،

تحياتي رابعة

[Raba]

هلا جميعا ...
اليوم تحمست مع عبود علشان بنطلع هايكنج في وكان ولاية نخل وخلاص كنا 5 أشخاص ومعنا دكتور احمد بعدين كنسلوا الفكرة عشان البنت ما قدرت تجي فأجلنا الموضوع لاشعار آخر...

[Raba]

السلام عليكم ورحمة الله وبركاته...

كيفكم .. اليوم مجتمعين وطه جالس يقول ماما ترا تسوي الرسوب في الثانوية كذا ونسبة النجاح كذا ضحكة امي قال اخوي شوفي ماه شو قصده طه شكله يهيئك بالرسوب قالت امي كله علي واحد عاد طه قال المهم انا ما افتحها النسبة شوفوها وحدكم قال اخوي بتصل عليك ولا احسن ارسل لي رقم الجلوس وانا اخبرك احسك ناجح هههه ضحكني عارف ما فالح

[Raba]

الحمدلله طه بيض الوجه شويه ناجح ...


" من لا يفهمك في الصمت لا تتوقع منه ان يفهم حديثك"

[Raba]

اليوم اخيرا قررت اتكلم عن نيوزيلاندا ...
المهم رحت للمطار في ذاك اليوم وكنت مريضة وطائرتي بالليل وامس كنت راجعة من تخييم فريق سيلا .. وكان نور مودني المطار ما اريد اتكلم عنه لانه باكستاني تفل شويات بس نفعني.. المهم وصلت المطار وكان ما عندي فيزا مال نيوزيلاندا فاضطريت انزل ابلكيشن ونزلت مال الفيزا وصورت نفسي وقدمت طلب خلال 10 دقائق وافقوا وطلعت الفيزا دفعت 9 دولار بس ... المهم وصلت نيوزيلاندا بعد 4 ساعات وصار عندهم صبح نزلت في كرستتشارج ووقفتني الشرطية تسال مليون سؤال قلت لها انا تعبانه وما عندي خطة جاهزة بس اريد اروح كونستاون واريد استأجر سيارة وهذا الفندق إلي بجلس فيه وانا حاليا مريضة الحمى فيني مرة مشتعله قالت ما تطلعي لازم تعطينا جدولك قلت لها طيب فتحت النت قلت اريد اروح هنا وهنا وهنا قالت ما حاجزة قلت لها انا مريضة اصلا ما اعرف اذا اقدر اروح كل ذولي الأماكن عشان كذا ما حجزت المهم آخر شيء خلتني ارووح كرهتها بقوة ..

المهم رحت اخذ السيارة من المطار الساعة 6 وتمشيت رحت بوتنك جاردين مالهم وجلست لحد ساعة 10 هناك وفطرت ساعة 9 في الكوفي مالهم والحمى ما راحت والسكن إلي حاجزتنه ساعة 2 التشك ان قلت خلاص بروح احد راسلني ما اذكر هل هو أبو اليزن أو شخص ثاني قال لي رابعة عادي تقدري تروحي مرات تكون الغرفة مجهزة .. المهم رحت وفعلا عطوني الغرفة ونمت صحيت عاد العصر يمكن ورحت مسجد النور المسجد إلي صار فيه القتل .. بعد كذا جلست ادور هناك ورحت البحر كان المكان رهيب والجبال جمااال

[Raba]

في البعد الملم ما تبقى مني واستفيق

[Raba]

ثاني يوم في نيوزيلندا قررت اروح البحر والتله واستمتع بالطبيعة.. المكاااان خيال الجبال الخضراء الاحصنه السد الضباب إلي في البحر الجبل إلي مسارة ضيق بس مليء بالبيوت والديزاين للبيوت جميل كان مكان رائع جدا .. صح نسيت أخبركم رحت مطعم ايراني لذيذ وكنت اطلب منهم اكل واروح البحر اكل هناك .. وبعد كنت ألتزم بالأكل الصحي الفواكة والخضروات عشان تخف الحمى بس للاسف كانت ترجع فاضطر اني اروح الصيدلية اخذ أدوية ع الاقل تروح الحمى المهم على صلاة المغرب رحت المسجد والتقيت برائدة أعمال اسمها سكينة شكلها هندي بس هي ماليزية بس اهلها اصلهم من الهند وتعرفت عليها جات تسألني وعندها تجارة مال براتا والحجاب الإسلامي في اللولو مال عمان وبعدها عرفتني على فرحية ونوال نيوزلنديات من أصل صومالي ومعهن وحده نسيت اسمها .. وجلسنا نسولف قالوا لنا سالفة الحادثة لما جاء الأسترالي وأطلق عليهم النار في المسجد يوم الجمعة توفى ابو فرحية في ذاك اليوم وكيف عاشوا الوضع كان شيء مؤسف المهم يسألوني شو بتسوي قلت لهم المفروض بعد الصلاة المغرب بروح كونستاون 6 ساعات درب بالسيارة وحدي انصدموا البنات قالوا كيف تروحي ما في ليت في الشوارع الحين وجبال خطر عليك قلت خلاص بطلع بعد صلاة الفجر .. بعدين نوال قالت انا خاطري اروح كونستاون بس عندي عمل يخلص ساعة 12 قلت لها خلاص انا اقدر اطلع ساعة 1 ما عندي مشكلة قالت صدق قالت فرحية انا اروح معكم عيل قلت لهن تم روحنا ( فعلا انا انسانة مجنونة واحب اغامر لدرجة اني دعوت غرباء يروحوا معي بس في النهاية انا لقيتهم في مسجد ) المهم قالت سكينة سبحان الله رابعة انتي طيبة خططتوا كذا بجلسه وحده كانت عازمتنا سكينة في ماكدونالدز وعاد وصلتها البيت وقالت انه خاطرها تشوف الشروق قلت لها بمر لك بكرة وتخيلوا انا كان الوقت متأخر وما حاجزة فندق في كرستشارج ذاك اليوم ع اساس حاجزة في كونستاون اضطريت انام في السيارة مال ساعتين او ثلاث قبل إذا الفجر ...