الحجر المنزلي والعنايه بالبشره

[شمس الداخليه]

.
.
.

سلام صبايا
رغم الظروف الاستثنائية
إلا أن بإمكان كل بنت تسخر جزء من وقتها لنفسها
عنايه بالبشره والجسم
والبعد عن التركيز على الاكل فقط

جميل أن تبادل بعض الخلطات
أو كورسات العنايه
نستفيد ونفيد ونطلع من الإجازه ونحن بكامل اناقتنا

[حافيه القدمين]

قبل الاجازه بيومين تقريبا
بدا يظهر ع وجهي حبوب
ولما صارت الاجازه
رسلت ف جروب بنات العم وما قصرن صراحه
ودام جالسيين ف البيت قلت بجرب
وصفت لي وحده
ملعقتين سدر مطحون مع ملعقتين روب وملعقتين حليب نيدو
كنت افكرها تستهبل لما قالت نيدو
بس بالفعل
حطيها ع وجهك لحد ما تنشف وبعدها قشريها
لما تغسلي وجهك تحسيييه ناااااعم
يوميين واختفن الحبوب الحمد لله


وفيه وصفه ثانيه معتمده من قبل اسويها باستمرار
حليب مع خيار
يعني الخيار حطيه بالخلاط مع الحليب لحد ما ينفرم
وحطيه ع وجهك
او استبدلي الحليب بروب

اما بالنسبه للجسم
خذي غرشة بخ
سوي فيها ماي ورد
اذا الغرشه صغيره
حطي مع الماي ورد قطرتين او 3 قطرات مسك
وبخيه ع جسمك بعد الاستحمام
يبقى بالجسم وثابت
طول اليوم الجسم تبقى ريحته حلووووه
وينفع للمناطق الحساسة مش مثل معطرات الجسم الثانية

[حافيه القدمين]

عدنا من جديد..

ملعقه طحين حمص مع ملعقه عسل
صحيح ريحته مش حلوه
بس حلو للي بشرتها دهنيه .. يخفف الدهون من الوجه..

[حافيه القدمين]

مقشر للشفايف
ملعقه قهوة مع ملعقه زيت زيتون
وحطيه ع شفاتك دقايق
اوو ملعقه عسل مع ملعقه زيت زيتون مع ملعقه سكر ونفس الشي حطيه ع شفاتك

تبقى شفاتك طول اليوم ملمسها ناعم ولا اروع ..

ويفضل ترطيب الشفايف بزيت زيتون مرتين ع الاقل ف اليوم
اول الصباح وقبل النوم ..

[وَدْق]

السلام عليكم .
طرح جميل وحلو نستفيد من تجارب بعض.
أنا دايما أقول أن البشرة أكثر المستفيدين من الحجر المنزلي^^ .

[وَدْق]

مقشر للشفايف
ملعقه قهوة مع ملعقه زيت زيتون
وحطيه ع شفاتك دقايق
اوو ملعقه عسل مع ملعقه زيت زيتون مع ملعقه سكر ونفس الشي حطيه ع شفاتك

تبقى شفاتك طول اليوم ملمسها ناعم ولا اروع ..

ويفضل ترطيب الشفايف بزيت زيتون مرتين ع الاقل ف اليوم
اول الصباح وقبل النوم ..

أضيف على طريقتك للعناية بالشفاة من بعد التقشير أنا أخلط الشمندر أو ماء الشمندر المصفى مع الفازلين يعطي لون طبيعي وصحي للشفاه .كأنك حاطه روج

[أوراق ناعمة]

الغسل جداا ممتاز للوجه دعي كل المساحيق وجربي الغسل بدل المقشرات
وحطي غسل وروب
غسل وكركم وروب
غسل وعسل
اي شي حطيله غسل
هههههه

[حافيه القدمين]

أضيف على طريقتك للعناية بالشفاة من بعد التقشير أنا أخلط الشمندر أو ماء الشمندر المصفى مع الفازلين يعطي لون طبيعي وصحي للشفاه .كأنك حاطه روج

راح اجرب هالطريقه
احس اللون الطبيعي حلو مثل التنت يعطي لون طبيعي

[حافيه القدمين]

الغسل جداا ممتاز للوجه دعي كل المساحيق وجربي الغسل بدل المقشرات
وحطي غسل وروب
غسل وكركم وروب
غسل وعسل
اي شي حطيله غسل
هههههه

الغسل هو السدر لاه ...

[أوراق ناعمة]

الغسل هو السدر لاه ...

نعم هوة اختي