سوالف رمضان ( اللبن )

[ضياء القرآن]

ههههه ذكريات حلوه
اول الصباح نروح نجمع اللبن من البيوت بيت بيت ونتسابق . صحيح يكون خفيف لكن لما نجمعه تصفيه يكون اللبن تحت والماء فوق وطعمه لذيذ ثم الذهاب إلى النخيل ركض على الامبا قبل ثم البيذام وبعدها نروح نتسلق النخله نخرف الرطب .وبعدها لما نخلص في النهايه نغمس انفسنا في الحوض ونسبح مجموعة ههههه ونلعب في الحوض لعبة رمي الحصاه ونبحث عنها وتعلمنا السباحة.

زمان والله

يالله واجد ذكريات جبت معك..
نروح نجيب اللبن و الحرمه تروح تسوي لنا لبن في الجيج
و نحن ندور تحت بيذامتهم..

عاد اللمبا نروح مزرعتنا بالسر و نقشب و نأكل هناك ، و نحاول
نقشب من عند تارسه عشان ما يحسوا شيء ناقص..
و لا يوم نرقط و ندور من تحت اللمبا، حافظين أي المزارع اللي
يطيح فيهن اللمبا أكثر..

و لا يوم نخرف، كأنه حد تاكل علينا، مره خرفنا نخلة مطنايه حال رجال
و شافنا و قلنا له من نعرف أنها مطنايه و حليله قال عادي، هذاك الرطب
سويناه في الرقاط و كان القصد نشله البيت، بس تو اذا شليناه بيجينا قشب..

و سالفة الحوض ممنوع حد ينزل فيه لأنه عميق، و نحن بالسر نروح
و لا عاد يوم يقولوا بينظفوه نركض كأنه متكول علينا..

كانت حياة حلووووة