عيدكم مبارك ...


كان العيد جميل لبست جديد الله يخلي المندوب ..
تنقشت بعد بس استكر .. وسويت حلويات العيد حلوى النارجيل .. وبسكوت ومعمول في اشياء اخرى بعد ... جهزنا للاطفال هدايا العاب وحلويات الدكان وعيدية..
رحنا بيت عموه سلمنا عليها وعلى بيبيه رحنا عند عمي وكذلك هم جو عندنا بما اننا من الأساس نسكن قريب بعض وكلنا في البيت يداوموا من البيت .. إلا عمتي في المشفى .. وصح ابوي ما كان موجود معنا اول يوم اشترينا ذبيحة قبل العيد بالليل وكملنا تقطعها الصبح وسويت لهم موهيتو او ماهيتو الي تحبوه وضبطت بهارات القلية ما قطعت لحم للاسف معهم .. يوم ثاني للعيد كان مشاكيك كنت طريحة الفراش مع اني قايله لهم بكرة انا بشك معكم .. وثالث يوم كذلك كنت مريضة طبخ الغداء الشيف اسامة وابهرنا بالشوى الي في الصفرية كان الرز جميل كان خاطري اكل اكثر بس ما قدرت اكل واجد كنت تعبانه صدق .. بالليل رحنا بيت عمي عشان نغير جو وكانوا مسوين العصر عزوة للاطفال يبيعوا فيها ساندوتش مال مطاعم وذرة وامبا وحلويات مال الدكان.. كذا اشياء كان جميل العزبة كانت العصر كل الاطفال راحوا هناك نحن رحنا بالليل عشان نلعب مسابقات فريق اولاد وبنات يوم اقول فريق اولاد يعني اخواني واولاد عمي وعمي الكبار كلهم وفريق الحريم نحن البنات وزوجات اولاد عمي وامي وعماتي وبنات عماتي حلو كان المهم فزنا على فريق الاولاد الهدية كانت حلويات ههههه ... واجد استمتعت حسيت بالعيد كذا الله يديمها من فرحة صح ابوي جاء اليوم الثاني للعيد