موضوع فكاهي ولكن واقع

[أوراق ناعمة]

السلام عليكم المبدعة
موضوع نوعا ماتشوفيه فكاهي
بس فعلا واقعي

لو جت علي طبعا اهلي واي حد مقرب عندي اترك لهم الخيار في مكان الجلوس
لأنه الناس بعضها تحب جلسة الحوش تحت الأشجار والهواء العليل
اما اذا كان الاهوب يقعر من كل صوب والغبار ما قايل شي
سيدة المجلس
بدون كلام

وشخصيا ما اخذ بخاطري مع اهلي والمقربين عندي لو زرتهم وخلوني خارج بظروف تسمح بذلك
خصوصا لو ترك لي الخيار في الجلوس خارج او داخل
لأني احب الجلوس تحت المزروعات
ولكن اروح معه والحالة ما تسمح لبر تجلس خارج هذا عيب واكيد اخذ بخاطري منهم بس ما توصل للقطيعة

اعرف احد من نسايبي طبعه ما يحب حد يوسخ بيته
واذا حد زاره خاصة للعشاء يخليهم خارج
او انه تلقيي الزوالي مطوايات
وطول الوقت وهي تنظف وتفورك
والصغيرين مسوايات الاعابهم خارج لعن يتوسخ البيت
هذلا معهم هوس نظافة
لدرجة انها جتها حساسية ومرض جلدي يسبب لها الحكة
( استنتاج الغالبية انها حد حاسدنها )
وهذا واقع
طبعا شخصيا ما احب هالسلوك وانقده
بس اتغاضى واتحمل كلها ساعات نجلس وهالفترة قليل كذا يسويوا

الله المستعان اخي الكريم من اللى هذا تصرفه مع الناس ولا اطوى زوالي البيت بعد هههههه الله يصلح الحال بس
بلفعل اخي الكريم برأي هذا التصرف تصرف ابدا ما طيب وما حلوة بحق الضيف ولو من اهلك
بس انت جالس برا ومن نفسه حب الجلوس هذا عاد ما فيه شي
شكرا لمداخلتك الطيبه

[أوراق ناعمة]

فعلا
تصير كذا
خصوص لما يكون البيت جديد
ما تعرف صاحبته انه هذيك تكون اول واخر زياره
ترى محد يزور حد الحين
الواحد الحين يفرح لما جاره او احد من اهله يزوره
عشان اثاث اخلي الناس بالحوش وف الحر
والله صارت لنا عند وحده من اهلنا
بدون ما احدد صلة القرابه
قافله باب الصاله وفارشه ف الحوش
عازمه الاهل لانها منتقله بيت جديد!
لو مختصره ع نفسها وما عازمه حد
وفيه مره بعد وحده ثانيه عازمتنا ف بيتها كل شوي تقول عن حد يوسخ المكان ترى الاثاث جديد
ف الاخير وحده منا قالت لها نجلس ف الحوش احسن عن حد يخرب او يوسخ الاثاث والحرمه ما صدقت راحت تجيب بساط ع طول وفرشته ف الحوش
لما رجعنا البيت خالي يقول لو منكن ما اكل من بيتها شي
واضح انه غير مرحب فيكم هههه
والمضحك الاكثر ف الموضوع
انه نحن اغلبنا حريم يعني الاغلب رايحات بدون اطفالهن ..!
ولو بأطفالهن هم ما معهم اطفال؟!
وتعال شووف اولادها لما يكونو معنا ف البيت
والله الوساخه انواع واشكال ..!
واللي يقهر اكثر انها ما تقول لهم كلمه ابدا لو يقلبو البيت ع راسنا
بس هي بيتها جديد ونحن عادي خليهم يوسخوه
ولو الجو شتاء عادي جلسة الحوش حلوه
بس صيف وجو عمان ما شاء الله حار
يعني ابدا ما يساعد
تحس روحك تنعصر ماشي كالف نعم
ع عزومه
ترى محد ميت جوع الكل شبعان ببيته

هههههه ضحكتني والله وانا اقراء حسيتك اختصرتي كل شي بوضوح وشفافيه
اشكرك اختي لطلتك البهيه الجميله

[أبـوالولـــيـد]

الله المستعان اخي الكريم من اللى هذا تصرفه مع الناس ولا اطوى زوالي البيت بعد هههههه الله يصلح الحال بس
بلفعل اخي الكريم برأي هذا التصرف تصرف ابدا ما طيب وما حلوة بحق الضيف ولو من اهلك
بس انت جالس برا ومن نفسه حب الجلوس هذا عاد ما فيه شي
شكرا لمداخلتك الطيبه

أختي هذا كله كوم
ونفسيته ومنازعته للصغار طول الوقت وحده في صوب

["الرديــVipــني"]

أختي هذا كله كوم
ونفسيته ومنازعته للصغار طول الوقت وحده في صوب

تصدق.. وانا اقرا مشاركتك حسيت وكأنك تقصدني ههه

["الرديــVipــني"]

هههههه ضحكتني والله وانا اقراء حسيتك اختصرتي كل شي بوضوح وشفافيه
اشكرك اختي لطلتك البهيه الجميله

صحيح انها اختصرت صراحه..

[أوراق ناعمة]

صحيح انها اختصرت صراحه..

نعم ......

[أبـوالولـــيـد]

تصدق.. وانا اقرا مشاركتك حسيت وكأنك تقصدني ههه

أفا كيف كذاك