صباح الخير
هذي الأيام أجواء العصر جميلة ..
غالبا تكون السماء مليانه غيوم ،
فالخيار الأول لما نحتاج تغيير جو هو (المزرعة حاليا) ،
جالسة أتأمل الطبيعة الجميلة و المكان هادئ ، و إلا أولاد اخواني و أولاد أختي كلهم معي !
جود الجميلة ، جراح ، سلمان ، محمد و يزن ...
المكان مرتفع شوي و يطل على منظر الغروب ، و كل واحد منهم عموه خالوه صوريني ....
_لما يكبروا بيشكروني على الصور الحلوات_ ، بديت أفكر اني أسوي بزنس إلي يبغا صوره يدفع هههه ، يالها من فكرة عظيمة بصير مليونيره !
هنا طردنا سلمان لأن ايده صغيره بزياده
و كييييف تحمسوا لما شافوا شكل نجمة في الصورة
الفكرة اقتراح جراح ، و ما شاء الله حبيت النتيجة بعد ما عدناها للمرة الثالثة
أنا و جود الجميلة ، شارحه لها الفكرة من فترة و طبقناها بالأمس
بعدين لعبنا ، و خذينا جولة سريعة مع أمي في المزرعة ، خرفولنا الأبطال الصغار جراح و يزن بعضا من الرطب ، و أنتهى اليوم بعودتنا للمنزل ^_^
رد مع اقتباس