مساء الخير
كلام اليوم بيكون شوي مختلف عن مود المدونة
تعالوا بخبركم شي
لما قسم الخواطر سووا لكتاباتي أرشفة في موضوع واحد شفت أشياء قديييمة من 2017
شوفوا ، ركزوا معي
غيمة شخص مختلف تماما عن 2017
يعني ما أقدر أعبر عن كمية الإختلاف !!
طيب
لو تعرف الإحساس إلي وسط قلبي كبت
مرحوم من قال الكلام و ما أذكر إنه طبقه
كلي على بعضي هموم و كل شي انثبت
ما عاش من باع الحنان و كل شي أنكره
غلطةٍ راحت و فاتت باقية للي عطت
قلبٍ حنون ٍ صادقٍ ٍ لله دره مكبره
تدرون وش يعني ليا إنخانت وفت
بنت الأصول الي تقول كان العزيز و تعذره
لا لاح طاري العز قامت و باسم أبوها اعتزت
ما عاش بالدنيا ذليل و ربي الله اشكره
استغفر الله بس ههههه ، ما أحب مود النكد هذا !!
2017 سنة ما أعرف هل أقول سيئة أو جيدة
سالفة القصيدة المتواضعة هذي كالتالي _باختصار_
بنت كانت صديقتي بس ،،،،، ما صارت صديقتي من يومها
الموقف إلي صار حاجة قوية جدا ، أثرت على غيمة بشكل كبير
اذكر كيف كنت مكتئبة بشكل .... حالة يرثى لها !
حرفيا كنت شخص مختلف ، الحمد لله على كل كل كل شيء وصلني لغيمة اليوم
يعني ، كانت إنسانة عظيمة جدا فنظري ، فهمتوا كيف !
لكن ، أِشكر الله على كل قرار صحيح اتخذته في حياتي الممتدة لسنوات لا يستهان بهاا _بالنسبة لي_!
من نتاجات الموقف هذاك
ما صار عندي صديقات !!
عندي تحفظ كبير على كلمة (صديقتي) ، اوكي فلانة صديقتي بس ما عندها مقومات الصداقة الفعلية !
رغم ان كثير بنات أنا صديقتهم بس أنا ما عندي صديقات
well في الواقع على الأقل !
الشيء الآخر و الأهم ،
كان في شعور دائم بأنه في حاجة ناقصة و كآبة من الداخل !
نهاية 2019 بداية 2020 جلست مع نفسي و قلت خلاص لااازم أرسم حد للموضوع هذا
حاليا انا مسامحة الإنسانة هذي ، come on الناس تتغير و محد ما يخطأ
بس نتعلم من الخطأ و نحفظ الدرس !
كذا نكون حلوين هههه
و بس والله ،
حبيت أقولكم سامحوا ، شعور جميل مريح رهيب خطير ، بس سامحوا و لا تنسوا تعلموا يعني
الإنسانة هذي لو شفتها أحين أنا بقولها آسفة بصراحة ، أحس ظلم إنك ما تسامح شخص على خطأ من سنين !
البشر يتغيروا
#نعيش_و_نتعلم
رد مع اقتباس