رد مع اقتباس
امس العاملة مالنا نور جاية تقول لي هاجر اريدش تطلبي لي حاجة اونلاين!!>> خير ان شاء الله!!
طبعاً هي م جالها طلبت اونلاين، فقلت لها موه تريدي، رسلي لي ع الواتس اللي تريده مع التفاصيل كامل!
المهم رسلت لي صورة عباة مجهولة المصدر!!!! و ستايلها قديم!! و رحت غرفتها عشان افهم من هين جابت الصورة!
طبعاً طلع جايبتنها من الفيس بوك🙂😹>> محد مخرب العاملات غير الفيس بوك.
و الموقع مسوين عروض العباة كانت بعشرين و الحين بعشرة ريال! و هي بايتنها عشان لما تسافر عوين تلبسها😳😅!
المهم تواصلت معهم ف الواتس، طلعوا يتواصلوا بالانجلش😔😹، و تحملت عشان افهمهم لاني م فاهمة شيء من موقعهم و لا هين هم و لا من انا و لا موه بايين!!
و طلبت لها و انا م متطمنة، ع الرغم الدفع عند التسليم، و قال اليوم يوصلها!! بس م وصلت! و من غير اول مرة اشوف محل يسويوا رنات، زاعجيني بالرنات طول اليوم بدون سبب و لما ارسل وت، يردوا باكر التوصيل و اكتب اوك، و ايسويوا رنة مرة😳😳>> قولوا و الله بس🙂!
و نور كل دقيقة تجي تسألني كيف العباية! و اقول انتظري وحدي م عارفة شيء، يعني راسلة اللوكيشن و البيانات و كلشيء، و عسى خير، بنشوف الين هين يوصلوا!!!
