التعليم عن بعد

[حافيه القدمين]

السلام عليكم ورحمة الله وبركاته

موضوع شاغل المجتمع كثير هذي الايام وضاجة عليه كثير من مواقع التواصل الاجتماعي وبالأخص السلبيات والايجابية الوحيدة هي استمرار التعليم وإبعاد الأطفال عن البلايستيشن والتلفاز

كما ذكرت السلبيات كثيرة وأهمها طبعا يتعلق بالشبكات وايضا ما كان هناك استعداد من فترة وتجربة لهذي الشبكات عمل دراسة لهذي المشاكل . قبل لا تتخذ اي مشروع وتبدأ تنفيذه لابد أن تأخذ بعين الاعتبار كل التداعيات اللي ممكن تواجهنا وأهمها ضعف الشبكه

المهم بيكون هناك إصلاح لهذه السلبيات بس علينا بالصبر شوي لحد ما تتحسن الامور

وعليكم السلام والرحمه
هو فعلا مثل ما قلت الكل كان يشكي من السلبيات
والوزاره احس انها استعجلت قبل لا ترتب الامور والاوضاع
يفترض انها تكون مجهزه كل شي من قبل لا تبدي بهالخطوه
او انها اجلت لحد ما تتعدل الاوضاع "اوضاع الشبكه والمنصه"
واحس انه طلاب الابتدائي صعب يكون عن بعد
خصوص صف الاول لانه سنه تأسيسية لهم
وطلاب الصف الثاني بعد لانهم ما لحقو العام الماضي يكملو المنهج
واليوم اسمع اخواتي يشتكن بعد من الاليه المتبعه
وانها صعبه شوي فيه ايميل تشيك عليه اذا فيه حصه
وغير الانشطه
يفضل لو تكون فيه اليات اسهل تسهل ع الاهالي
وعسى تتعدل الاوضاع ويرجع العالم طبيعي مثل ما كان
الف شكر ع مرورك اخي سهل الباطن