يوميات مريض عاش او عايش التجربة مع مرض كرونا

[سهل الباطن]

الحمد لله ع سلامتك سهل
طهور يارب
والله نحن عشنا معاناه حقيقيه مع هالمرض
شهر ونص يحوم ف البيت عندنا كل مره يصيب احد
اول شي اخوي جاته االاعراض وراح يعمل فحص ثاني يوم طلعت النتيجه انه مصاب
عزل نفسه هو وزوجته ، زوجته تعبت اكثر يعني الاعراض كانت فيها اكثر
بعد اسبوع وزياده كل اللي ف البيت مرضو مع انه ما مخاطيين اخوي ابدا وكان خلاص بيكمل 14 يوم وهو عازل نفسه
كنا نودي لهم صحون استخدام واحد
يعني اللي يدخل عندهم ما يرجع كله باالزباله
حتى زوجته ما تفتح الباب الا لما تتاكد انه اللي مودي لهم الاكل راح خلاص
مرضت امي وابوي وهم حقيقي خفنا عليهم لانه عندهم سكر
وابوي عنده خلل جيني الزكام يتعبه كثير لما ينصاب فيه ونحن دوم نتحذر انه ينصاب بزكام ف كيف بكورونا!
وطبعا جدتي ام امي معنا بالبيت و كبيره بالسن
ف امي قالت لخاالتي تأخذها معها عشان لا يصيبها شي
نفس الاسبوع انصابت اختي وزوجها
زوجها دخل العنايه ، لانه مريض سكر
تم ف العنايه تقريبا 3 اسابيع
بعدها جدتي انصابت مع انها ما تخالط احد ابد وتنومت بالنهضه عشان الاكسجين نقص عندها وبعدها نقلوها ف المستشفى الميداني المطار القديم
والحمد لله ترخصت بعد اسبوع
ومن ترخصت انصاب اخوي
لكن الحمدلله اولاده وزوجته ما صابهم شي
واستغرب هالكورونا بجد غريب
يعني كيف يصيبك ما تعرف
ولما تكون وسط عالم كله مصاب بالكورونا الحمد لله ما يصيبك؛

الحمد الله على سلامتكم اختي وسلامة أهلكم كلهم يا رب
فعلا انه مرض محير ما نقول الا ما يرضي الله سبحانه والله يشفي من مرض والله يسلمكم جميعا

بالنسبة للتغذية اختي طبعا لها دور كبير وايضا الحالة النفسية والا ويش رايك . انا احس ان التغذية كانت سبب لشفائي من الفايروس طبعا هذا كله بقدر من الله سبحانه وايضا انا كنت من النوع اللي يوسوس وهذا اللي تعبني وخوفي على عائلتي كان كبير جدا

[حافيه القدمين]

الحمد الله على سلامتكم اختي وسلامة أهلكم كلهم يا رب
فعلا انه مرض محير ما نقول الا ما يرضي الله سبحانه والله يشفي من مرض والله يسلمكم جميعا

بالنسبة للتغذية اختي طبعا لها دور كبير وايضا الحالة النفسية والا ويش رايك . انا احس ان التغذية كانت سبب لشفائي من الفايروس طبعا هذا كله بقدر من الله سبحانه وايضا انا كنت من النوع اللي يوسوس وهذا اللي تعبني وخوفي على عائلتي كان كبير جدا

بالضبط التغذيه لها دور كبير
واهم حاجه النفسيه
يفترض الواحد يكون امله بالله كبير ولا يترك مجال للوسواس ، لانه الوسواس هو اللي يتعب اكثر
الحمد لله الكل تغلب ع المرض لانه ابدا ما كانو حاطيين ببالهم انه شي كبير ، تعاملو مع المرض ع انه شي عادي حاله من حال اي فايروس ، كأنه مرض موسمي والحمد لله