نبض الإحساس .. سجّل احساسك في هذه اللحظه

[حبي خالص]

البرد يستوطن ضلوع العاشقين ..
والليل موحش لا ونيس ولا دفا ..

يا شينها لا هبت رياح الحنين ..
على نهاية صيف وبداية شتا ..

[حبي خالص]

يحل صمت الكلام ونقعد نغني ..
الحب حاجه تبين مهما نخفيها ..

حاولت ما أشتاق لك هـ اليوم لكني ..
مع كل نبضة وفا أشتاق لك فيها..

[حبي خالص]

أحيان تتمنى لو إنك بلا إحساس ..
ما يشغلك من في عيونك وطاحوا ..

ولا يصدمك لو غيّر الوقت في ناس ..
كانوا لك أكثر من حبايب وراحوا

[حبي خالص]

رغم البعاد وما حصل ..
لا زال لك فيني شعور ..

أفرح بـ شوفك متصل ..
وأزعل على آخر ظهور .

[حبي خالص]

يا رفيقي ما ورا حظي سلامه ..
جعل شيٍ مرني ما هو يمرك ..

لا يغرك كان فـ الوجه إبتسامه ..
العلوم الخافيه ما هي تسرك ..

[حبي خالص]

أثر الجروح القديمه تحفظ العشره ..
جروح قلبي معاي أصدق من أحبابي ..

يا قلبي إسلم وسلمني ولا تشره ..
ما كل من عاتبك يستاهل عتابي ..

[حبي خالص]

خذيت من مـر الزمن ما كفاني ..
وعطيت غيري كثر ما كنت محتاج ..

بغيت لي حاجه وحظي عصاني ..
من عقبها صديت منعاً لـ الإحراج ..

[حبي خالص]

ينوجع حزن الغياب ولا يموت ..
شف سجين الدمع عمره ما حكى ..

لا تخاف الثرثره خاف السكوت ..
السكوت أحيان نوع من البكى ..

[حبي خالص]

يا ويل حالي لا ذكرتك وحنيت ..
وأصبحت أردد وين راح ونساني ..

والله ترى في بعدكم ما تهنيت ..
إرجع وشوف اللي بـ صدري يعاني ..

[حبي خالص]

ودي أضع حاجز وممنوع المرور ..
لـ الذكريات اللي لها روح وجسد ..

تعبت وأنا أكتب شعر وأنزف شعور ..
في مجتمع حتى على الجرح حسد ..