تمر الايام مر السحاب .. كل شيء روتيني .. صبح عصر ليل .. تفاصيل اخرى .. اكل غضب فرح الخ الخ
والباقي فقط مجرد الاخات متتاليه .. يعني الخ مفرد .. الخات جمع وهكذا يعني ..





نشوف ناس جديده وناس تنسحب .. نتذكر وين حطينا السلك اللى لونه رمادي وننسى وين حطينا الاوراق المهمه ..
وهكذا .. خيبات متجمعه على شوية ذكريات و يعني تجارب مني مناك .. وها نحن ..

نحن بكل ما فينا من فراغ .. محشوه في دواخلنا قصص واغلبها ماشي منها .. وافراد .. يعني شويه من العائله ومن برى ..ربع زملاء واللخات اخرى ..

اليوم يومنا بكرا ما رح يكون كذلك والعكس صحيح ..
في فتره نستوعب ان الحياه تستحق كل التضيحه
واليوم للى غيره نتأكد ان العمر ما يستاهل وما يسوى ..





انا اصلا ماعرف ليش جالسه اكتب هذي التهذيرات هنا ..
يمكن لأن حلو الواحد يكون على سجيته لما ما حد يعرفه..بس الصدمه يوم يستوعب هذا الحد انه ما فرقت لو حد عرفه او لا ..
ويعترف ان وده يعق نفسه في وادي العق او اي مكان .. او يخلي نفسه في مكان ويرججع لها لما تكون اموره تمام




بس كيف نعرف ان امورنا تمام او لا اصلا ؟
انا ماريد اعرف .. بس اتساءل علشان ماعندي تساؤول غيره حاليا ..




لأن حاليا ماشي غير ..
غير حاجه يمكن ما تنوصف ..
ما لأن شيء .. بس لأن مستحيل حد يفهم وش انت بالضبط جالس تمر به
واضعف الايمان انك اذا شرحت لأحد وش جالس تمر به رح يهز راسه وكأنه ساعة بندول وهو يفكر في الشي العالق بين اسنانه و من وين تو يحصل حصير علشان يضم الراشن فيهن

اخخ تعبت .. مني ومن الناس ومن الجو ومن كل حاجه
وش بقى في العمر .. من عمر يا ترى ..
انسحاب .